Mańǵystaý oblysyna osy kúnge deıin «Spýtnık – V» vaksınasynyń 39 550 dozasy jetkizildi (20 250 doza I komponent, 19 300 doza II komponent). Bul týraly Qoǵamdyq komýnıkasıa ortalyǵynda ótken brıfıńte Mańǵystaý oblysy sanıtarıalyq-epıdemıologıalyq baqylaý departamentiniń basshysy Ǵazız Nadýev málim etti, – dep habarlaıdy Dalanews.kz.

Onyń aıtýynsha, 2021 jyldyń 20 sáýirine deıin aımaqta koronavırýstyq ınfeksıaǵa qarsy vaksınanyń 1 komponentin 14 027 adam, 2 komponentin 1 702 adam aldy.

– Vaksınasıalaý medısınalyq uıymdardyń egý pýnktterinde júrgiziledi. Qazir 28 egý pýnkti jumys isteıdi. Onyń 4-ýi jyljymaly, al qalǵandary medısınalyq uıymdardarda ornalasqan. Shekteý sharalarynan qutylyp, burynǵy qalpymyzǵa qaıta kelý úshin vaksınasıadan ótýimiz kerek, – dedi Ǵazız Nadýev.