عالىمدار جەر حالقىنىڭ سانىن 2200 جىلعا قاراي شامامەن 4 ملرد ادامعا دەيٸن تابيعي جولمەن قىسقارتۋ قورشاعان ورتاعا تٷسەتٸن جٷكتەمەنٸ ازايتۋى مٷمكٸن دەگەن ستسەنارييدٸ ۇسىندى, دەپ حابارلايدى dalanews.kz.
زەرتتەۋ Sustainability عىلىمي جۋرنالىندا جارييالانعان. اۆتورلاردىڭ پٸكٸرٸنشە, حالىق سانىنىڭ بٸرتٸندەپ ازايۋى كٶمٸرقىشقىل گازى شىعارىندىلارىن, ەنەرگييا تۇتىنۋدى, تابيعي رەسۋرستاردى پايدالانۋدى جەنە پلاستيك ٶندٸرٸسٸن تٶمەندەتۋگە ىقپال ەتۋٸ مٷمكٸن.
سونىمەن قاتار زەرتتەۋ اۆتورلارى مەسەلە تەك حالىق سانىنا عانا ەمەس, ەر ادامنىڭ تۇتىنۋ دەڭگەيٸنە دە بايلانىستى ەكەنٸن اتاپ ٶتكەن. ولاردىڭ پٸكٸرٸنشە, ەكولوگييالىق تۇراقتىلىققا قول جەتكٸزۋ ٷشٸن شامادان تىس تۇتىنۋدى قىسقارتۋ دا ماڭىزدى.
عالىمدار سٶز بولىپ وتىرعان ستسەنارييدٸڭ مەجبٷرلٸ تۋۋ شەكتەۋلەرٸن قاراستىرمايتىنىن ەرەكشە اتاپ ٶتتٸ. ولار ەيەلدەردٸڭ بٸلٸم الۋىنا, وتباسىن جوسپارلاۋ قىزمەتتەرٸنە جەنە كونتراتسەپتسيياعا قولجەتٸمدٸلٸكتٸ كەڭەيتۋدٸ ۇسىنادى. بۇل ادامدارعا بالا سانىن ٶز ەركٸمەن جوسپارلاۋعا مٷمكٸندٸك بەرەدٸ.
زەرتتەۋدە 4 ملرد ادام كٶرسەتكٸشٸ عىلىمي تۇرعىدان بەلگٸلەنگەن شەكتٸ مەجە ەمەس ەكەنٸ ايتىلعان. اۆتورلار مۇنى XXI عاسىردىڭ سوڭىنان كەيٸنگٸ كەزەڭگە ارنالعان ىقتيمال ۇزاق مەرزٸمدٸ ستسەنارييلەردٸڭ بٸرٸ رەتٸندە قاراستىرادى.
سونىمەن بٸرگە بۇل تۇجىرىم عىلىمي ورتادا پٸكٸرتالاس تۋدىردى. سىنشىلار حالىق سانىنىڭ ايتارلىقتاي قىسقارۋى ەڭبەك رەسۋرستارىنىڭ ازايۋىنا, حالىقتىڭ قارتايۋىنا جەنە زەينەتاقى مەن دەنساۋلىق ساقتاۋ جٷيەسٸنە قوسىمشا سالماق تٷسۋٸنە ەكەلۋٸ مٷمكٸن ەكەنٸن العا تارتادى.
