باس پروكۋراتۋرا قازاقستاننىڭ فۋتبول فەدەراتسيياسى مەن فۋتبول كلۋبتارىندا تەكسەرۋ جٷرگٸزٸپ, بٸرقاتار بۇزۋشىلىقتاردى انىقتادى. ونىڭ ٸشٸندە كەلٸسٸلگەن ماتچتار مەن بۋكمەكەرلٸك كەڭسەلەردەگٸ بəس تٸگۋ فاكتٸلەرٸ دە ەشكەرە بولعان. بۇل ماسقارا جايتتار ابزال قۇسپاننىڭ دەپۋتاتتىق ساۋالىنا باس پروكۋرور بەرٸك اسىلوۆتىڭ بەرگەن جاۋابىندا ايتىلادى, دەپ حابارلايدى Dalanews.kz.
"ەڭبەك شارتتارىمەن تىيىم سالىنعانىنا قاراماستان, فۋتبولشىلار مەن باپكەرلەر بۋكمەكەرلٸك كەڭسە قىزمەتٸن تۇتىنىپ, بەس تٸگٸپ جٷرە بەرگەن. مəسەلەن, اقتٶبە قالاسىندا 9 فۋتبولشى جالپى سوماسى 110 ملن تەڭگەگە بəس تٸككەن. وسىعان بايلانىستى, 2025 جىلعى 2 سəۋٸردە اتالعان فەدەراتسيياعا زاڭبۇزۋشىلىقتىڭ كٶزٸن جويۋ تۋرالى ۇسىنۋ ەنگٸزٸلدٸ. فەدەراتسييا تاراپىنان انىقتالعان بۇزۋشىلىقتاردى جويۋ جəنە قارجىلىق ورنىقتىلىقتى قامتاماسىز ەتۋ ماقساتىندا "جول كارتاسى" əزٸرلەندٸ. وندا اۋديت, قارجى جəنە əدەپ جٶنٸندەگٸ كوميتەتتەردٸ قۇرۋ, سونداي-اق قارجىلىق تəرتٸپتٸ كٷشەيتۋگە باعىتتالعان 33 ٸس-شارانى ٸسكە اسىرۋ كٶزدەلگەن", دەلٸنگەن رەسمي جاۋاپتا.
فەدەراتسييانىڭ مəلٸمەتٸنە سəيكەس, تەكسەرۋ قورىتىندىسى بويىنشا بٸرقاتار كادرلىق شەشٸمدەر قابىلداندى:
- 2025 جىلدىڭ 20 مامىرداعى جاعداي بويىنشا فەدەراتسييا əكٸمشٸلٸگٸنٸڭ باسشىسىمەن, باسقارۋشى ديرەكتورمەن, زاڭ, وپەراتسييالىق جəنە ماركەتينگ دەپارتامەنتتەرٸنٸڭ ديرەكتورلارىمەن, قاۋٸپسٸزدٸك جəنە ينتەگريتي قىزمەتٸنٸڭ باسشىسىمەن اراداعى ەڭبەك شارتتارى بۇزىلدى.
- سونداي-اق, فەدەراتسييانىڭ بٸرقاتار باسشى قىزمەتكەرلەرٸ لاۋازىمدارىنان تٶمەندەتٸلدٸ.
"قازٸرگٸ ۋاقىتتا فەدەراتسييا زاڭدىلىقتى بۇزۋشىلىقتاردى جويۋ, قارجىلىق تəرتٸپتٸ كٷشەيتۋ جəنە فۋتبولدى دامىتۋدىڭ جاڭا ماقساتتارى مەن مٸندەتتەرٸنە ساي ۇيىمدىق قۇرىلىمىن وڭتايلاندىرۋ بويىنشا جۇمىستى جەتٸلدٸرۋدە", دەپ ناقتىلانادى.
بۇعان دەيٸن تاعى بٸر دەپۋتاتتىڭ سپورت سالاسىنا قاتىستى كٶتەرگەن مەسەلەنٸ جازعان بولاتىنبىز. مەسەلەن, 2016 جىلى استانا ەكٸمدٸگٸ "تۇلپار" ات سپورتى كەشەنٸن اۋكتسيون ارقىلى نەبەرٸ 200 مىڭ تەڭگەگە ساتىپ جٸبەرگەن, كەيٸن قالا بيلٸگٸ جاڭا "ارعىماق" ات سپورتى كەشەنٸن بيۋدجەتتەن 7 ملرد تەڭگەگە قايتا ساتىپ الۋعا شەشٸم قابىلداعان.
