وكىلەتتى كەڭەس ءتوراعاسى، پروفەسسور مۋحيتتين شيمشەك ءماجىلىستى اشىپ، قادىرمەندى قوناقتى ۋنيۆەرسيتەت قابىرعاسىندا مەيمان ەتۋ – وقۋ ورنى ءۇشىن ۇلكەن مارتەبە ەكەندىگىن اتاپ ءوتتى. وقۋ ورداسىندا جۇزەگە اسىپ جاتقان ىرگەلى جۇمىستاردى باياندادى.
ۋنيۆەرسيتەت رەكتورى جانار تەمىربەكوۆا جانە رەكتور وكىلى جەنگيز تومار ءسوز سويلەپ، فۋات وكتايعا ءبىلىم مەن عىلىمنىڭ دامۋىنا قوسقان ۇلەسى ءۇشىن «قۇرمەتتى پروفەسسور» اكادەميالىق اتاعى بەرىلگەنىن اتاپ ءوتىپ، مانتياسىن كيگىزىپ، قۇجاتىن تابىستادى.
تۇركيا رەسپۋبليكاسىنىڭ ۆيسە-پرەزيدەنتى فۋات وكتاي مىرزا مىنبەردە قازاقستان رەسپۋبليكاسىنا رەسمي ساپارى اياسىندا مەملەكەت باسشىسى قاسىم-جومارت توقايەۆ جانە پرەمەر-مينيستر ءاليحان سمايىلوۆپەن كەزدەسكەنىن باياندادى.
ەكىجاقتى كەزدەسۋلەردىڭ باۋىرلاس ەلدەردىڭ ىنتىماقتاستىعىن جاڭا دەڭگەيگە كوتەرەتىنىن اتاپ ءوتتى. ءال-فارابي، ءجۇسىپ بالاساعۇن، قوجا احمەت ياساۋي سىندى عۇلامالار مۇراسىنىڭ وزەكتىلىگىن تىلگە تيەك ەتىپ، اباي قۇنانباي ۇلىنىڭ عىلىمعا ۇندەگەن تۋىندىسىنان ءۇزىندى وقىدى.
كونسەرتتىك باعدارلامادان كەيىن فۋات وكتاي قوناق ۋنيۆەرسيتەت اۋماعىنىڭ ماكەتىمەن تانىسىپ، «ءتوراعالار اللەياسىنا» اعاش وتىرعىزدى. سونىمەن بىرگە تۇركىستان قالاسىنداعى ءبىرقاتار مادەنيەت جانە رۋحانيات نىساندارىن ارالاپ، تۇركىستانداعى وزگەرىستەردى جوعارى باعالادى.
