Freedom Finance ساۋدا پلاتفورماسىنىڭ جۇمىسىنداعى تەحنيكالىق اقاۋ دٷيسەنبٸدە قازاقستان قور بيرجاسىنداعى (KASE) ساۋدا-ساتتىق كٶلەمٸنە ايتارلىقتاي ەسەر ەتتٸ. ساۋدا الاڭىنىڭ دەرەكتەرٸنە سەيكەس, اكتسييالارمەن جاسالعان ساۋدا كٶلەمٸ 552 ملن تەڭگەدەن 271 ملن تەڭگەگە دەيٸن ەكٸ ەسەگە تٶمەندەپ كەتكەن. سونداي-اق باعالى قاعازدار سەگمەنتٸندە دە ايتارلىقتاي قۇلدىراۋ بايقالادى: ساۋدا كٶلەمٸ - 238 ملن تەڭگە, ال ٶتكەن اپتانىڭ سوڭعى ساۋدا كٷنٸندە بۇل كٶلەم 6,1 ملرد تەڭگەنٸ قۇراعان, دەپ حابارلايدى Dalanews.kz.
قازاقستاندىق OD Consulting كومپانيياسىنىڭ باسقارۋشى سەرٸكتەسٸ ارمان باتاەۆ مۇنداي ديناميكانى نارىقتاعى ەڭ ٸرٸ ويىنشىلاردىڭ بٸرٸنٸڭ قور بيرجاسىندا بولماۋىمەن تٸكەلەي بايلانىستىرادى. ول بۇل تۋرالى ٶزٸنٸڭ Telegram ارناسىندا بىلاي دەپ جازدى:
"جالپى, بۇل كومپانييانىڭ ٶزٸ قازاقستانداعى ەڭ ٸرٸ بروكەر بولىپ تابىلادى. ول نارىقتىڭ 70%-ىن قامتيدى".
ايتا كەتسەك, 28 سەۋٸردە Freedom Broker قوسىمشاسى مەن كومپانييانىڭ سايتى اياق-استى ٸستەن شىقتى. Freedom كومپانيياسى ٶزدەرٸندە كەڭ كٶلەمدٸ تەحنيكالىق اقاۋ ورىن العانىن راستادى. تۇتىنۋشىلارىن سابىرعا شاقىرعان كومپانييا ەرتەڭ تاڭەرتەڭگە دەيٸن جاعداي رەتتەلەتٸنٸن ايتىپ, تەحنيكالىق باعىتتا جۇمىستار جٷرگٸزٸپ جاتقاندارىن جەتكٸزگەن.
بۇل كەلەڭسٸز جايت بروكەردٸڭ ينفراقۇرىلىمىنا, سونىڭ ٸشٸندە "ينۆەستيتسييالىق كارتالارعا" دا ەسەر ەتتٸ. بٸر سٶزبەن ايتقاندا, قوسىمشالار مەن سايتتار ٸستەن شىعىپ, ونلاين ساۋدا-ساتتىق دا قولجەتٸمسٸز قالدى. ونىڭ ٷستٸنە بروكەرلٸك قىزمەتتەر مەن ينۆەستيتسييالىق كارتالار بويىنشا جۇمىستاردا دا اقاۋلار بار. بۇل جاعدايعا قاتىستى Freedom Holding Corp. CEO-سى تيمۋر تۇرلوۆ مەلٸمدەمە جاسادى.
"ەرتەڭگە دەيٸن ساۋدا-ساتتىق قولجەتٸمسٸز بولادى. Freedom Broker ساۋدا پلاتفورماسى يادروسىنداعى اقپاراتتى ٶڭدەۋ ورتالىعىنا جاۋاپتى ماڭىزدى بٸر جابدىق "ٶلٸپ تىنعان". بۇل جاعداي جەكسەنبٸدە بولعان. رەزەرۆتٸك سەرۆەرگە كٶشۋ كەزٸندە گەورەزەرۆتٸك ورتالىقتا دا ٸرٸ اقاۋ ورىن الدى. قازٸر ينفراقۇرىلىمدى بەكاپ ارقىلى قالپىنا كەلتٸرۋ جۇمىستارى جٷرگٸزٸلٸپ جاتىر. مۇنىڭ بارلىعى ۋاقىتتا الادى. اقاۋلىققا بايلانىستى تولىقتاي تەرگەۋ جٷرگٸزٸلدٸ. سوندىقتان تاڭەرتەڭگە دەيٸن بۇل مەسەلەنٸ شەشەتٸن بولامىز. ەڭ باستىسى, تۇتىنۋشىلار مەلٸمەتتەرٸ زارداپ شەككەن جوق, جازىلعان ەسەپتەر مەن ٸشكٸ جٷيەدەگٸلەر ساقتاۋلى", دەپ جازدى ول كەشە كەشكٸسٸن Thrەاds-تاعى پاراقشاسىندا.
ال بۇل اقاۋلىق بيرجاداعى FRHC قۇنىنا ەش كەرٸ ەسەر ەتپەگەن, كەرٸسٸنشە ول 1.98%-عا ٶسكەن.
ەزٸرگە, Freedom Broker جۇمىس ٸستەپ تۇرعان جوق. بۇل رەتتە تۋرلوۆ: "قالىپقا كەلتٸرۋ جۇمىستارى ەلٸ جٷرٸپ جاتىر: قات-قاباتىمەن. قانشا قالاساق تا ٷلگەرمەي جاتىرمىز, قازٸرگٸ باستى ماقسات - امەريكالىق سەسسييانىڭ اشىلۋىنا دايىن بولۋ. بٷكٸل كٷش سول باعىتقا جۇمىلدىرىلعان, ال قالعانىن سودان كەيٸن مٸندەتتٸ تٷردە رەتتەيمٸز" دەپ جازدى بٷگٸن جەلٸدە.
