سالتاناتتى اشىلۋدا سٶز العان وبلىس باسشىسى ا. باتالوۆ əلەمدٸك دەڭگەيدەگٸ ٷلكەن جەلٸنٸڭ الماتى وبلىسىنان اشىلۋى جەتٸسۋلىقتار ٷشٸن قۋانىش ەكەنٸن ايتا كەلە:
– «بٷگٸن, مٸنە, وبلىس اۋماعىندا اشىلعان ٸرٸ گيپەرماركەت جوباسى ارقىلى ٶڭٸرگە 6 ملرد. تەڭگە ينۆەستيتسييا تارتىلدى. مۇندا 370 جاڭا جۇمىس ورنى قۇرىلدى. كٶپتەگەن جاستار جۇمىسقا ورنالاستى. بيىلدان باستاپ ەلباسىنىڭ باستاماسىمەن «7.20.25» باعدارلاماسىنىڭ نەگٸزٸندە تۇرعىن ٷي سالۋ قارقىندى جٷرگٸزٸلەتٸن بولادى. سول ٷيلەردٸ تۇرعىزۋدا, əرلەۋدە پايدالانىلاتىن ماتەريالداردىڭ بارلىعى وسى سٶرەلەردەن تابىلاتىنىنا سەنٸمدٸمٸن. كومپانييا جەتەكشٸلەرٸ قازٸردٸڭ ٶزٸندە وتاندىق 40 تاۋار ٶندٸرۋشٸمەن كەلٸسٸمشارت جاساسىپ ٷلگەرٸپتٸ. سوعان سəيكەس تاۋار باعاسى دا قولجەتٸمدٸ بولىپ, زاۋىتتاردان تٸكەلەي وسى ساۋدا سٶرەسٸ ارقىلى تۇتىنۋشىعا جەتكٸزٸلۋٸ قۇپتارلىق ٸس. بٸز ٶز تاراپىمىزدان بيزنەستٸ دامىتۋعا بارىنشا قولداۋ كٶرسەتە بەرەمٸز جəنە تəۋەلسٸز جاس مەملەكەتٸمٸزدٸڭ ەكونوميكاسىن بٸرگە كٶتەرەمٸز, – دەدٸ ا. باتالوۆ. وبلىس باسشىسى سٶزٸنٸڭ سوڭىندا وسى يگٸ ٸسكە مۇرىندىق بولعان ەلشٸ مىرزاعا, كومپانييا باسشىلىعىنا ريزاشىلىعىن بٸلدٸردٸ.
اتاپ ٶتسەك, LeroyMerlin گيپەرماركەتتەرٸ بٷگٸنگە دەيٸن əلەمنٸڭ 12 مەملەكەتٸندە جۇمىس ٸستەيدٸ, قازاقستان سول تٸزٸمگە ون ٷشٸنشٸ بولىپ ەنٸپ وتىر. ەۋروپا ەلدەرٸ, برازيلييا, قىتاي, رەسەي مەملەكەتتەرٸمەن قاتار ورتا ازييا ەلدەرٸ ٸشٸندە قازاقستان بٸرٸنشٸ بولىپ ٶز جەرٸندە فرانتسۋزدىق اتالمىش ساۋدا جەلٸسٸنە جول اشتى.
قۇرىلىس جəنە əرلەۋ جۇمىستارىنا ارنالعان ماتەريالدار ساۋدالايتىن گيپەرماركەتتٸڭ اۋماعى 10 500 م2. مۇندا تاۋاردىڭ 30 مىڭنان استام تٷرٸ ساتىلىمعا شىعارىلادى. ساۋدا ٷيٸنٸڭ جانىندا تۇتىنۋشىلارعا قولايلى 700 اۆتوكٶلٸككە ارنالعان اۆتوتۇراق جۇمىس ٸستەيدٸ.
وسى كٷنٸ گيپەرماركەتتٸڭ اشىلۋىنا وراي كەلۋشٸلەر ٷشٸن كونتسەرت, شوۋلار ۇيىمداستىرىلىپ, لوتورەيا بيلەتتەرٸ ويناتىلدى.
بالجان قايراتقىزى
