اتىراۋ اۋەجايىندا الماتى – اتىراۋ باعىتىمەن ۇشقان FlyArystan اۋە كومپانياسىنىڭ ۇشاعى قونۋ كەزىندە رۋلەج جولىنان شىعىپ كەتتى، دەپ حابارلايدى Dalanews.kz.
اۋە كومپانياسىنىڭ مالىمەتىنشە، وقيعا 14 قاڭتاردا بولعان. FS7202 رەيسى قونعاننان كەيىن اۋە كەمەسى تۇراققا بەت الىپ بارا جاتقان ساتتە از جىلدامدىقپەن رۋلەج جولىنان تىسقارى شىققان.
ۇشاق بورتىندا 166 جولاۋشى بولعان. بارلىعى ءقاۋىپسىز تۇردە ءتۇسىرىلدى. جولاۋشىلار مەن ەكيپاج مۇشەلەرى اراسىندا زارداپ شەككەندەر جوق.
FlyArystan وكىلدەرى اۋەجاي قىزمەتتەرىمەن جانە اۆياسيالىق بيلىك ورگاندارىمەن بىرلەسىپ، وقيعانىڭ ءمان-جايىن انىقتاۋ ءۇشىن تەكسەرۋ جۇرگىزىلىپ جاتقانىن حابارلادى.
