جولاۋشىلار قۇقىعىن بۇزعانى ءۇشىن FlyArystan اۋە كومپانياسىنا جاۋاپكەرشىلىككە تارتىلدى، دەپ حابارلايدى Dalanews.kz.
ازاماتتىق اۆياسيا كوميتەتى الماتى – استانا باعىتى بويىنشا رەيس كەشىكتىرىلگەن كەزدە جولاۋشىلارعا قاجەت قىزمەتتى ۇسىنباۋىنا بايلانىستى "FlyArystan" اۋەكومپانياسىنا شارا قابىلدادى. ناقتىراق ايتساق، جولاۋشىلار قوناقۇيگە ورنالاستىرىلماعان جانە ولاردى اۋەجايدان قوناق ۇيگە دەيىن جانە كەرى قاراي ترانسفەر ۇيىمداستىرىلماعان. اكىمشىلىك كودەكستىڭ 567-بابىنىڭ 2-بولىگى بويىنشا اكىمشىلىك قۇقىق بۇزۋشىلىق تۋرالى حاتتاما جاسالىپ، اۆياكومپانياعا 1 000 اەك (3 692 000 تەڭگە) مولشەرىندە ايىپپۇل سالىندى.
"ق ر كم ازاماتتىق اۆياسيا كوميتەتى رەيستەردىڭ كەشىگۋى كەزىندە قىزمەتتەردى تيىسىنشە ۇسىنۋ بولىگىندە قازاقستان رەسپۋبليكاسىنىڭ قولدانىستاعى زاڭناماسىنىڭ تالاپتارىن بۇزعانى ءۇشىن وتاندىق جانە شەتەلدىك اۆياكومپانيالاردى جاۋاپكەرشىلىككە تارتۋ جونىندەگى جۇمىستى جالعاستىرۋدا"، – دەلىنگەن كوميتەت حابارلاماسىندا.
اۆياكومپانيالار تاراپىنان بۇزۋشىلىق فاكتىلەرى انىقتالعان جاعدايدا كوزدەلگەن شارالار قولدانىلادى.
بۇعان دەيىن، اتىراۋ-الماتى باعىتى بويىنشا رەيستى كەشىكتىرگەن كەزدە ءتيىستى قىزمەت كورسەتپەگەنى ءۇشىن وسى جىلدىڭ 24 ماۋسىمىندا "SCAT" اۋە كومپانياسى دا اكىمشىلىك جاۋاپكەرشىلىككە تارتىلىپ، 1 000 اەك (3 692 000 تەڭگە) كولەمىندە ايىپپۇل قۇرادى.
