Jolaýshylar quqyǵyn buzǵany úshin FlyArystan áýe kompaniiasyna jaýapkershilikke tartyldy, dep habarlaidy Dalanews.kz.
Azamattyq aviatsiia komiteti Almaty – Astana baǵyty boiynsha reis keshiktirilgen kezde jolaýshylarǵa qajet qyzmetti usynbaýyna bailanysty "FlyArystan" áýekompaniiasyna shara qabyldady. Naqtyraq aitsaq, jolaýshylar qonaqúige ornalastyrylmaǵan jáne olardy áýejaidan qonaq úige deiin jáne keri qarai transfer uiymdastyrylmaǵan. Ákimshilik kodekstiń 567-babynyń 2-bóligi boiynsha ákimshilik quqyq buzýshylyq týraly hattama jasalyp, aviakompaniiaǵa 1 000 AEK (3 692 000 teńge) mólsherinde aiyppul salyndy.
"QR KM Azamattyq aviatsiia komiteti reisterdiń keshigýi kezinde qyzmetterdi tiisinshe usyný bóliginde Qazaqstan Respýblikasynyń qoldanystaǵy zańnamasynyń talaptaryn buzǵany úshin otandyq jáne sheteldik aviakompaniialardy jaýapkershilikke tartý jónindegi jumysty jalǵastyrýda", – delingen komitet habarlamasynda.
Aviakompaniialar tarapynan buzýshylyq faktileri anyqtalǵan jaǵdaida kózdelgen sharalar qoldanylady.
Buǵan deiin, Atyraý-Almaty baǵyty boiynsha reisti keshiktirgen kezde tiisti qyzmet kórsetpegeni úshin osy jyldyń 24 maýsymynda "SCAT" áýe kompaniiasy da ákimshilik jaýapkershilikke tartylyp, 1 000 AEK (3 692 000 teńge) kóleminde aiyppul qurady.
