اقش-تىڭ فلوريدا شتاتىندا 1987 جىلدان بەرٸ ٶلٸم جازاسىنىڭ ورىندالۋىن كٷتٸپ كەلگەن 74 جاستاعى دەننيس سوچورعا ٶلٸم جازاسى ورىندالدى, دەپ حابارلايدى dalanews.kz.
Fox News مەلٸمەتٸنشە, دەننيس سوچور فلوريدا تاريحىندا ٶلٸم جازاسى ورىندالعان ەڭ قارت سوتتالۋشى اتاندى.
تەرگەۋ دەرەگٸنە سەيكەس, ول 1982 جىلعى 1 قاڭتاردا 18 جاستاعى پاتريسييا گيففوردپەن باردا تانىسقان. كەيٸن قىز دەننيس سوچور جەنە ونىڭ اعاسىمەن بٸرگە تاڭعى اس ٸشۋگە كەتكەن. بٸراز ۋاقىتتان سوڭ سوچور قىزدى وڭاشا جەرگە اپارىپ, جىنىستىق قاتىناسقا تٷسۋدٸ ۇسىنعان. قىز باس تارتقاننان كەيٸن ونى تۇنشىقتىرىپ ٶلتٸرٸپ, مەيٸتٸنەن قۇتىلعان. پاتريسييا گيففوردتىڭ دەنەسٸ ەلٸ كٷنگە دەيٸن تابىلعان جوق.
سوچور 1986 جىلى باسقا قىلمىستىق ٸس بويىنشا ۇستالىپ, كەيٸن فلوريداعا ەكستراديتسييالانعان. سول جەردە ول كٸسٸ ٶلتٸرگەنٸن مويىنداعان.
1987 جىلى القابيلەر ونى ادام ۇرلاۋ جەنە الدىن الا جوسپارلانعان كٸسٸ ٶلتٸرۋ باپتارى بويىنشا كٸنەلٸ دەپ تانىپ, ٶلٸم جازاسىنا كەسكەن.
ٶلٸم جازاسى فلوريدا شتاتىنداعى تٷرمەدە ٷش تٷرلٸ پرەپاراتتان تۇراتىن ٶلٸم ينەكتسيياسى ارقىلى ورىندالدى.
جازا ورىندالار الدىندا دەننيس سوچور زەمبٸلگە تاڭىلىپ, وعان دەرٸلٸك ەرٸتٸندٸ ەنگٸزەتٸن جٷيە ورناتىلعان. ول قايتىس بولار الدىندا پاتريسييا گيففوردتىڭ وتباسىنان بٸرنەشە رەت كەشٸرٸم سۇراپ, جاساعان قىلمىسىنا «قاتتى ٶكٸنەتٸنٸن» ايتقان. سونداي-اق سوڭعى اسىنان باس تارتىپ, ٶلٸم جازاسى الدىندا بٸر كەلۋشٸمەن جەنە رۋحاني تەلٸمگەرٸمەن كەزدەسكەن.
بۇل – فلوريدا شتاتىندا 2026 جىلدىڭ باسىنان بەرٸ ورىندالعان ونىنشى ٶلٸم جازاسى. ال 2025 جىلى شتاتتا رەكوردتىق كٶرسەتكٸش تٸركەلٸپ, 19 ادامعا ٶلٸم جازاسى ورىندالعان. بۇل – اقش-تاعى كەز كەلگەن شتات اراسىنداعى ەڭ جوعارى كٶرسەتكٸش. جالپى, 2025 جىلى اقش بويىنشا 47 ادام ٶلٸم جازاسىنا كەسٸلگەن.
