بۇل شارانىڭ ءمانى – سۋردوپەداگوگيكالىق ساباقتار، لوگيكالىق جانە دە بالانىڭ جاس مولشەرىنە بايلانىستى ارنايى جاتتىعۋ باعدارلامالارىن وتكىزىپ، الەۋمەتتىك سالا ماماندارى جانە دارىگەرلەردىڭ پسيحولوگيالىق-مەديسينالىق-پەداگوگيكالىق كومەگى ارقىلى، بالانى قالىپتى ەستۋگە جانە سويلەۋگە جاتتىعۋىن قامتاماسىز ەتۋ. وسىنداي بۇلدىرشىندەردى دىبىستار الەمىنە قايتارۋ ءۇشىن وسى كۇندەرى«الەۋمەتتىك وڭالتۋدى دامىتۋدىڭ عىلىمي-تاجىريبەلىك ورتالىعى» ماماندارى تايىنباي ەڭبەك ەتۋدە.
«الەۋمەتتىك وڭالتۋدى دامىتۋدىڭ عىلىمي-تاجىريبەلىك ورتالىعىنىڭ» باس ديرەكتورىنىڭ ورىنباسارى س.م. سمايلوۆانىڭ ايتۋىنشا – كوحلەارلى يمپلانتاسيا، ياعني وتا جاساۋ ارقىلى ەمدەلۋشىنىڭ ىشكى قۇلاعىنا دىبىستىق اقپاراتتى قابىلداۋىن قامتاماسىز ەتەتىن ەلەكترودتى ورنالاستىرۋ، ەستۋ قابىلەتىنەن ايىرىلعان نەمەسە اۋىر تۇرىمەن اۋىراتىن ناۋقاستارعا قۇلاقتارىنىڭ تولىعىمەن جانە جارتىلاي ەستىپ كەتۋىنە مۇمكىندىك بەرەدى. دەگەنمەن، ەستۋ قابىلەتى يمپلانتاسيادان كەيىن بىردەن قالپىنا كەلمەيدى. يمپلانتانت اعزاعا بەيىمدەلۋى ءتيىس، ول ءۇشىن ۇزاق ۋاقىت وڭالتۋدان ءوتۋ قاجەت.
وسىلايشا، وڭالتۋ جۇمىستارىمەن اينالىساتىن جانە دە كەرەكتى قۇرال-جابدىقتارمەن قامتاماسىز ەتىلگەن، قۇرامىندا كاسىبي شەبەر ماماندارى بار«الەۋمەتتىك وڭالتۋدى دامىتۋدىڭ عىلىمي-تاجىريبەلىك ورتالىعى» رەسپۋبليكالىق مەملەكەتتىك كاسىپورنى.
قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ «ەستۋ قابىلەتى بۇزىلعان بالالاردىڭ كوحلەارلىق يمپلانتاسيادان كەيىن ەستۋ-سويلەۋىن وڭالتۋ» باعدارلاماسى اياسىندا مەملەكەتتىك تاپسىرىستى ورىنداي وتىرىپ، «ءاود عپو» شجق رمك بيىلعى جىلى 150 بالاعا تاۋلىك بويعى ەستۋ-سويلەۋ بويىنشا وڭالتۋ قىزمەتىن ورىنداۋدا. بۇل كۇندەرى اتالمىش باعدارلاما بويىنشا «اق بۇلاق» شيپاجايىندا ءار ايماقتان 30 بالا وڭالتۋدان وتۋدە.
بۇل رەتتە، «الەۋمەتتىك وڭالتۋدى دامىتۋدىڭ عىلىمي-تاجىريبەلىك ورتالىعى» شجق رمك باس ديرەكتورى ت.ق. نۇعۇمانوۆتىڭ مەملەكەتتىك تاپسىرىس بويىنشا وسىناۋ الەۋمەتتىك ماڭىزى بار شارانى وتكىزۋگە قوسقان ۇلەسىن ايتا كەتكەن ءجون.
ەستۋ قابىلەتى بۇزىلعان بالالاردى تاۋلىك بويى وڭالتۋدان وتكىزۋ جۇمىستارى جازعى ايلاردا دا ءوز جالعاسىن تابادى.
«ءاود عپو»
باسپا ءسوز قىزمەتى
