Estý qabileti nashar balalardy ońaltý sharasy qolǵa alyndy
Bul sharanyń máni – sýrdopedagogikalyq sabaqtar, logikalyq jáne de balanyń jas mólsherine bailanysty arnaiy jattyǵý baǵdarlamalaryn ótkizip, áleýmettik sala mamandary jáne dárigerlerdiń psihologiialyq-meditsinalyq-pedagogikalyq kómegi arqyly, balany qalypty estýge jáne sóileýge jattyǵýyn qamtamasyz etý. Osyndai búldirshinderdi dybystar álemine qaitarý úshin osy kúnderi«Áleýmettik ońaltýdy damytýdyń ǵylymi-tájiribelik ortalyǵy» mamandary taiynbai eńbek etýde.
«Áleýmettik ońaltýdy damytýdyń ǵylymi-tájiribelik ortalyǵynyń» Bas direktorynyń orynbasary S.M. Smailovanyń aitýynsha – Kohlearly implantatsiia, iaǵni ota jasaý arqyly emdelýshiniń ishki qulaǵyna dybystyq aqparatty qabyldaýyn qamtamasyz etetin elektrodty ornalastyrý, estý qabiletinen aiyrylǵan nemese aýyr túrimen aýyratyn naýqastarǵa qulaqtarynyń tolyǵymen jáne jartylai estip ketýine múmkindik beredi. Degenmen, estý qabileti implantatsiiadan keiin birden qalpyna kelmeidi. Implantant aǵzaǵa beiimdelýi tiis, ol úshin uzaq ýaqyt ońaltýdan ótý qajet.
Osylaisha, ońaltý jumystarymen ainalysatyn jáne de kerekti qural-jabdyqtarmen qamtamasyz etilgen, quramynda kásibi sheber mamandary bar«Áleýmettik ońaltýdy damytýdyń ǵylymi-tájiribelik ortalyǵy» respýblikalyq memlekettik kásiporny.
Qazaqstan Respýblikasy Eńbek jáne halyqty áleýmettik qorǵaý ministrliginiń «Estý qabileti buzylǵan balalardyń kohlearlyq implantatsiiadan keiin estý-sóileýin ońaltý» baǵdarlamasy aiasynda memlekettik tapsyrysty oryndai otyryp, «ÁOD ǴPO» ShJQ RMK biylǵy jyly 150 balaǵa táýlik boiǵy estý-sóileý boiynsha ońaltý qyzmetin oryndaýda. Bul kúnderi atalmysh baǵdarlama boiynsha «Aq bulaq» shipajaiynda ár aimaqtan 30 bala ońaltýdan ótýde.
Bul rette, «Áleýmettik ońaltýdy damytýdyń ǵylymi-tájiribelik ortalyǵy» ShJQ RMK Bas direktory T.Q. Nuǵumanovtyń memlekettik tapsyrys boiynsha osynaý áleýmettik mańyzy bar sharany ótkizýge qosqan úlesin aita ketken jón.
Estý qabileti buzylǵan balalardy táýlik boiy ońaltýdan ótkizý jumystary jazǵy ailarda da óz jalǵasyn tabady.
«ÁOD ǴPO»
Baspasóz qyzmeti
