اۋدان اكىمى رۋستام الي ەسكەلدi اۋدانىندا تۇراتىن جالعىز ارداگەر ەششەنكو پەتر ميحايلوۆيچتi جەڭىستىڭ 76 جىلدىعىمەن قۇتتىقتادى.
ەششەنكو پەتر ميحايلوۆيچ 1943 جىلى قىزىل اسكەر قاتارىنا شاقىرىلعان. بەلورۋسسيانى، پولشانى، ۋكراينانى ازات ەتۋگە قاتىسىپ، بىرنەشە رەت جاراقات العان.
1946 جىلى III توپتاعى مۇگەدەك اتانىپ، دەموبيليزاسيالاندى. الدىمەن كولحوزدا، كەيىن سارقان اۋدانى چەركاسسك ەلەكتر ستانسياسىندا ماشينيست بولىپ جۇمىس ىستەدى. پەتر ميحايلوۆيچ قۇرمەت دەمالىسىنا شىققانعا دەيىن قۇرىلىس ۇيىمدارىندا جۇمىس ىستەگەن. II دارەجەلى "وتان سوعىسى" وردەنىمەن جانە كوپتەگەن جاۋىنگەرلىك جانە مەرەيتويلىق مەدالدارمەن ماراپاتتالعان.
ءوز كەزەگىندە اۋدان باسشىسى ۇوس ارداگەرىن وبلىس اكىمى ا.باتالوۆتىڭ اتىنان قۇتتىقتادى. رۋستام الي ارداگەرگە سوعىس كەزىندەگى قاجىرلى ەڭبەگى مەن كورسەتكەن ەرلىگى ءۇشىن العىس ايتىپ، وعان مىقتى دەنساۋلىق پەن ۇزاق عۇمىر تىلەدى. سونىمەن قاتار، ارداگەرگە ازىق-تۇلىك سەبەتتەرى تابىستالدى.
ۇلى وتان سوعىسىنا قاتىسۋشىلارعا ماتەريالدىق قولداۋ كورسەتۋ-مەملەكەتتىڭ باسىمدىقتارىنىڭ ءبىرى بولىپ تابىلادى. ارداگەرلەر مەن تىل ەڭبەككەرلەرى ەشقاشان مەملەكەتتىڭ نازارىنان تىس قالعان ەمەس. جەڭىس كۇنىنە وراي قازاقستان رەسپۋبليكاسى پرەزيدەنتىنىڭ قاۋلىسى بويىنشا ۇلى وتان سوعىسىنا قاتىسۋشىلارعا ءبىر ميلليون تەڭگەدەن تولەندى. ال تىل ەڭبەككەرلەرى 30 مىڭ تەڭگە قارجىلاي كومەك الدى. ايتا كەتسەك، اۋدان بويىنشا بارلىعى 315 تىل ەڭبەككەرلەرى بار.
مەرەكە كۇنى اۋدان اكىمىنىڭ باستاماسىمەن ارداگەردىڭ ءۇيىنىڭ اۋلاسىندا مادەنيەت ءۇيى ارتىستەرىنىڭ قاتىسۋىمەن مەرەكەلىك كونسەرت ۇيىمداستىرىلدى. ارداگەردىڭ كورشىلەرى كونسەرتتى قۋانا باقىلاپ، ءاننىڭ اۋەنىنە قوسىلىپ، قوشەمەت ءبىلدىردى.
كەزدەسۋ سوڭىندا ايبىندى ارداگەر جينالعان قاۋىمعا العىس ايتىپ، ەلىمىزگە بەيبىتشىلىك پەن اماندىق تىلەدى.
