الماتى قالاسىن ۇزاق ۋاقىت باسقارعان ۆيكتور حراپۋنوۆتان كەيٸن وسى ەسٸموۆ بولسا كەرەك. 2008 جىلى سەۋٸر ايىندا ەكٸم بولىپ تاعايىندالعان ول قالانىڭ ٶسۋ-ٶركەندەۋٸ ٷشٸن ٶز حالٸنشە ەڭبەك ەتتٸ. بٸراق قالا حالقى مەن جۋرناليستەر قاۋىمى ٷنەمٸ ەكٸمدٸ سىناۋمەن كەلەدٸ. وعان قىستا قاردىڭ ۋاقتىلى كٷرەلمەۋٸ, تازالىقتىڭ ناشارلاۋى, ۇلتتىق رەڭكتەگٸ شارالاردىڭ از ۇيىمداستىرىلاتىندىعى, قالاداعى بازارلاردىڭ بٸرٸنەن سوڭ بٸرٸ ٶرتەنۋٸ, اينالما جولدار كەزٸندە سٷرٸلگەن باسپانالارعا ماردىمسىز ٶتەماقى تٶلەنگەنٸ, مەدەنيەت سالاسىنا كٶڭٸل اۋدارۋدىڭ ازايۋى, قالا جولدارىن جاڭارتۋ كەزٸندە شەتتەگٸ شاعىن كٶشەلەردٸڭ جٶندەلمەۋٸ, ت.ب. مەسەلەلەر تٷرتكٸ بولدى. ەلٸ دە بولسا الىپ مەگاپوليستٸڭ دامۋ دەڭگەيٸنە كٶڭٸلٸ تولمايتىن جۇرت كٶپ. كەيبٸر ساراپشىلار الماتىنىڭ باياۋ دامۋىنا ەكٸمشٸلٸك كٸنەلٸ ەمەس دەگەندٸ ايتادى. وعان الماتىنىڭ ەل استاناسى مەرتەبەسٸنەن ايىرىلۋى جەنە ساياسي, ەكونوميكا قۇرىلىمدارىنىڭ استاناعا شوعىرلانۋى سەبەپ دەگەن ۋەج بٸلدٸرەدٸ.
ەندٸ بٸر توپ ەسٸموۆ ەكٸم بولعالى بەرٸ قالادا كەپتەلٸستٸڭ ازايعانىن, ەكٸمنٸڭ داقپىرتسىز جولايرىقتارىن كٶبەيتٸپ, قارا بازارلاردى جٶنگە سالعانىن ايتادى. ەسٸرەسە, ەسٸموۆ ەكٸم بولعان 6 جىلدىڭ ٸشٸندە الماتى قالاسىندا وننان استام جولايرىقتارى ٸسكە قوسىلىپ, قالاداعى كٶلٸك قوزعالىسى بٸر جٶنگە تٷسكەنٸن جەتٸستٸك دەپ باعالايتىندار دا بار.
بٸزدٸڭشە, احمەتجان ەسٸموۆ الماتى قالاسى ەكٸمدٸگٸنەن بوسايدى دەگەن سٶزدٸڭ جانى بار. بۇعان دەيٸن ەلٸمٸزدەگٸ باستى قالالار مەن وبلىستاردىڭ تٸزگٸنٸن ۇستاعانداردىڭ كٶبٸ اۋىسىپ ٷلگەردٸ. تٸپتٸ, كەيبٸر ايماقتاردىڭ بٸرنەشە باسشىسى ورنىن بوساتىپ, جاڭا باسشىلار تاعايىندالدى. تەك اۋىسپاعان ەسٸموۆ قانا.
ەسٸموۆ ەندٸ قايدا بارادى? بۇل جاعى بٸزگە بەيمەلٸم. اۋىلشارۋاشىلىعى مينيسترلٸگٸنە بارادى دەگەن سىبىس بار.
احمەتوۆ الماتىعا كەلەدٸ...
الماتىعا احمەتوۆ كەلسە, نەن شاھاردىڭ جاڭا تىنىسى اشىلادى دەگەن ٷمٸت مول. بٸراق شقو-نى قولىنا جاڭا العان ەكٸمدٸ نە ٷشٸن اۋىستىرادى? بۇعان باستى سەبەپ, احمەتوۆتىڭ دەڭگەي-دەرگەيٸ الىپ قالانى دامىتۋعا تولىق جەتەتٸندٸگٸنەن بولسا كەرەك.
ايتپاقشى, احمەتوۆتى پاۆلودار جۇرتشىلىعى دا وبلىستى باسقارۋعا ۇسىنىپ جٷرگەن كٶرٸنەدٸ. ولار كٶزٸقاراقتى ەكٸمنٸڭ ايماققا باسشى بولىپ كەلۋٸن قالايتىندىقتارىن ايتىپ جٷر. بۇعان دەيٸن احمەتوۆ پاۆلودارعا ەكٸم بولىپ كەلەدٸ ەكەن دەگەن ەڭگٸمە ەل اراسىنا تارادى.
شىعىسقا قۇل-مۇحاممەد بارادى
سونىمەن, جۇرت مۇحتار ابرارۇلىن شقو-نىڭ ەكٸمٸ بولادى دەپ جٷر. بٸزدٸڭشە, قيسىنعا كەلەتٸن بايلام. بۇعان دەيٸن بيلٸكتٸڭ ەر ساتىسىنان ٶتكەن بٸلٸكتٸ مامان رەتٸندە ول وبلىستى ويداعىداي باسقارا الاتىنىنا سەنٸم كەمٸل. سونداي-اق, ٶڭٸر جۇرتشىلىعى مۇحتار قۇل-مۇحاممەدتٸ ەلشٸل, ەلگەزەك باسشى رەتٸندە جاقسى قۇرمەتتەيدٸ.
الداعى بٸرەر اپتانىڭ ٸشٸندە ەلٸمٸزدە ٸرٸ تاعايىنداۋلار مەن ورىن ٶزگەرتۋلەر بولادى دەگەن سىبىس بار. نەدە بولسا, استانا كٷنٸ مەرەكەسٸنەن كەيٸن بٸلەتٸن بولامىز.
