Almaty qalasyn uzaq ýaqyt basqarǵan Viktor Hrapýnovtan keiin osy Esimov bolsa kerek. 2008 jyly sáýir aiynda ákim bolyp taǵaiyndalǵan ol qalanyń ósý-órkendeýi úshin óz halinshe eńbek etti. Biraq qala halqy men jýrnalister qaýymy únemi ákimdi synaýmen keledi. Oǵan qysta qardyń ýaqtyly kúrelmeýi, tazalyqtyń nasharlaýy, ulttyq reńktegi sharalardyń az uiymdastyrylatyndyǵy, qaladaǵy bazarlardyń birinen soń biri órtenýi, ainalma joldar kezinde súrilgen baspanalarǵa mardymsyz ótemaqy tólengeni, mádeniet salasyna kóńil aýdarýdyń azaiýy, qala joldaryn jańartý kezinde shettegi shaǵyn kóshelerdiń jóndelmeýi, t.b. máseleler túrtki boldy. Áli de bolsa alyp megapolistiń damý deńgeiine kóńili tolmaityn jurt kóp. Keibir sarapshylar Almatynyń baiaý damýyna ákimshilik kináli emes degendi aitady. Oǵan Almatynyń el astanasy mártebesinen aiyrylýy jáne saiasi, ekonomika qurylymdarynyń Astanaǵa shoǵyrlanýy sebep degen ýáj bildiredi.
Endi bir top Esimov ákim bolǵaly beri qalada keptelistiń azaiǵanyn, ákimniń daqpyrtsyz jolairyqtaryn kóbeitip, qara bazarlardy jónge salǵanyn aitady. Ásirese, Esimov ákim bolǵan 6 jyldyń ishinde Almaty qalasynda onnan astam jolairyqtary iske qosylyp, qaladaǵy kólik qozǵalysy bir jónge túskenin jetistik dep baǵalaityndar da bar.
Bizdińshe, Ahmetjan Esimov Almaty qalasy ákimdiginen bosaidy degen sózdiń jany bar. Buǵan deiin elimizdegi basty qalalar men oblystardyń tizginin ustaǵandardyń kóbi aýysyp úlgerdi. Tipti, keibir aimaqtardyń birneshe basshysy ornyn bosatyp, jańa basshylar taǵaiyndaldy. Tek aýyspaǵan Esimov qana.
Esimov endi qaida barady? Bul jaǵy bizge beimálim. Aýylsharýashylyǵy ministrligine barady degen sybys bar.
Ahmetov Almatyǵa keledi...
Almatyǵa Ahmetov kelse, nán shahardyń jańa tynysy ashylady degen úmit mol. Biraq ShQO-ny qolyna jańa alǵan ákimdi ne úshin aýystyrady? Buǵan basty sebep, Ahmetovtyń deńgei-dárgeii alyp qalany damytýǵa tolyq jetetindiginen bolsa kerek.
Aitpaqshy, Ahmetovty Pavlodar jurtshylyǵy da oblysty basqarýǵa usynyp júrgen kórinedi. Olar kóziqaraqty ákimniń aimaqqa basshy bolyp kelýin qalaityndyqtaryn aityp júr. Buǵan deiin Ahmetov Pavlodarǵa ákim bolyp keledi eken degen áńgime el arasyna tarady.
Shyǵysqa Qul-Muhammed barady
Sonymen, jurt Muhtar Abrarulyn ShQO-nyń ákimi bolady dep júr. Bizdińshe, qisynǵa keletin bailam. Buǵan deiin biliktiń ár satysynan ótken bilikti maman retinde ol oblysty oidaǵydai basqara alatynyna senim kámil. Sondai-aq, óńir jurtshylyǵy Muhtar Qul-Muhammedti elshil, elgezek basshy retinde jaqsy qurmetteidi.
Aldaǵy birer aptanyń ishinde elimizde iri taǵaiyndaýlar men oryn ózgertýler bolady degen sybys bar. Nede bolsa, Astana kúni merekesinen keiin biletin bolamyz.
