اقمولا وبلىسىنداعى اۋىلداردا ٷيلەرگە سۋ كٸردٸ, – دەپ حابارلايدى Dalanews.kz.
"كتك" تەلەارناسى مەلٸمەتٸنشە, اقمولا وبلىسىندا ەسٸل ٶزەنٸ ارناسىنان اسىپ جاتىر. سونىڭ سالدارىنان اقان قۇرمانوۆ اۋىلىنداعى تٶرت ٷيگە سۋ كٸرٸپ, اۋلاسى مالمانداي سۋ بولعان.
قۇتقارۋشىلار تۇرعىنداردىڭ باسپانالارىن قۇم سالىنعان قاپپەن قورشاپ, كٶشەلەرگە قوسىمشا قورعان جاسادى.
ال استراحان اۋدانىندا تاسقىن سالدارىنان تۇرعىندار قارا تٷنەكتە وتىر. جارىقتان قاعىلعان 173 ٷيدٸڭ بٸرازىنا ەلەكتر ەنەرگيياسى بەرٸلدٸ. ەندٸ قاراكٶل مەن ياگودنوە ەلدٸ مەكەنٸندەگٸ 73 وتباسى ەلٸ جارىقسىز وتىر.
"بۇل اۋىلدارعا ەلەكتر قۋاتى ەرتەڭ تولىق بەرٸلەدٸ", - دەدٸ ماماندار بۇعان دەيٸن.
ٶيتكەنٸ قىزىل سۋ جولداردى شايىپ, جۇمىسشىلار ٷزٸلگەن جەلٸلەرگە جەتە الماي جاتىر. سوندىقتان ارنايى تەحنيكامەن قۇم-تاس تٶسەلٸپ, ۋاقىتشا جول سالىپ جاتىر.
