Aqmola oblysyndaǵy aýyldarda úılerge sý kirdi, – dep habarlaıdy Dalanews.kz.
"KTK" telearnasy málimetinshe, Aqmola oblysynda Esil ózeni arnasynan asyp jatyr. Sonyń saldarynan Aqan Qurmanov aýylyndaǵy tórt úıge sý kirip, aýlasy malmandaı sý bolǵan.
Qutqarýshylar turǵyndardyń baspanalaryn qum salynǵan qappen qorshap, kóshelerge qosymsha qorǵan jasady.
Al Astrahan aýdanynda tasqyn saldarynan turǵyndar qara túnekte otyr. Jaryqtan qaǵylǵan 173 úıdiń birazyna elektr energıasy berildi. Endi Qarakól men Iagodnoe eldi mekenindegi 73 otbasy áli jaryqsyz otyr.
"Bul aýyldarǵa elektr qýaty erteń tolyq beriledi", - dedi mamandar buǵan deıin.
Óıtkeni qyzyl sý joldardy shaıyp, jumysshylar úzilgen jelilerge jete almaı jatyr. Sondyqtan arnaıy tehnıkamen qum-tas tóselip, ýaqytsha jol salyp jatyr.
