شٷلبٸ سۋ قويماسىنان ەرتٸس ٶزەنٸ ەكوجٷيەسٸن ساقتاۋ ماقساتىندا 6,4 ملرد تەكشە مەتردەن اسا سۋ جٸبەرٸلدٸ, دەپ حابارلايدى dalanews.kz.
سۋ جٸبەرۋ كٶلەمٸ سەكۋندىنا 3400-3500 تەكشە مەترگە جەتٸپ, بۇل رەجيم 8 كٷن بويى ساقتالعان. قازٸر پاۆلودار وبلىسى اۋماعىندا ەرتٸس ٶزەنٸنٸڭ جايىلماسىن سۋلاندىرۋ جۇمىستارى جالعاسىپ جاتىر.
بٷگٸندە سۋلاندىرىلعان اۋماق كٶلەمٸ 257,2 مىڭ گەكتارعا جەتكەن. بۇل جالپى اۋماقتىڭ شامامەن 76 پايىزىنا تەڭ.
ەرتٸس باسسەينٸ سۋ ينسپەكتسيياسى باسشىسى مەدەت جەدٸگەرۇلىنىڭ ايتۋىنشا, شٷلبٸ سۋ قويماسىنان تابيعاتتى قورعاۋ ماقساتىندا سۋ جٸبەرۋ جۇمىستارى جىل سايىن جٷرگٸزٸلەدٸ.
ونىڭ سٶزٸنشە, بۇل شارالار بالىقتاردىڭ ۋىلدىرىق شاشۋىنا قولايلى جاعداي جاساۋ, جايىلما جەرلەردٸ سۋلاندىرۋ جەنە پاۆلودار وبلىسىنىڭ اۋىل شارۋاشىلىعىنا قاجەت جەم-شٶپ قورىن ساقتاۋ ٷشٸن قاجەت.
