– جالاۋ مىڭبايۇلىنىڭ ەرلٸگٸ تۋرالى كٶپ ايتۋعا بولادى. ول قىرعىز اۆتونومييالىق رەسپۋبليكاسىن اتقارۋشى كوميتەتٸنٸڭ باسشىسى رەتٸندە اۆتومييالىق رەسپۋبليكاعا ەلٸمٸزدٸڭ «قازاق رەسپۋبليكاسى» دەگەن تٶل اتىن قايتاردى.
بٸزدٸڭ پارتييامىزدىڭ ساياسي باعدارلامادا دەل وسىنداي تالاپ بار. بٸز ونى رەسمي تٷردە 2019 جىلى پارلامەنت مٸنبەرٸندە اشىق تٷردە ايتتىق.
بٸزدٸڭ ويىمىزشا تەۋەلسٸز مەملەكەتتٸڭ اتى جەرگە ەمەس, ەلدٸڭ اتىنا بايلانىستى بولۋ كەرەك, ياعني قازاق رەسپۋبليكاسى.
ول كەزدە ٷكٸمەت ونى قولدامادى, بٸراق, بٸزدٸڭ ويىمىزشا ەرتە مە, كەش پە سوعان كەلەمٸز. ول تاريحي ەدٸلەتتٸك دەپ سانايمىز, – دەدٸ ا.پەرۋاشەۆ جينالعان قاۋىم الدىندا.
پارتييا ليدەرٸ, سونىمەن قاتار, «اق جولدىڭ» ساياسي باعدارلاماسىن تانىستىرىپ, اتقارعان جۇمىستار جايلى باياندادى.
– بٸز سوڭعى رەت پارلامەنتتە 12-اق دەپۋتات بولدىق, 107 دەپۋتاتتىڭ اراسىندا. داۋىس بەرگەن كەزدە ٶتە ماڭىزدى مەسەلەلەردە ازشىلىقتا قالساق تا, باستامالارىمىز 10 جىل, كەيدە 7-8 جىل ٶتكەن سوڭ دا ٸسكە اسىپ جاتىر.
جيىن بارىسىندا سٶز العان پارتييا تٶراعاسىنىڭ ورىنباسارى قازىبەك يسا «اق جولدىڭ» ٶزگەلەردەن ەرەكشەلٸگٸن اتاپ ٶتتٸ.
– قاسيەتتٸ ماڭعىستاۋ ٶلكەسٸنە پٸر بەكەت باستاعان 362 ەۋليەنٸڭ ەلٸنە, ٷشقييانىڭ جەرٸنە تابانىمىز تيٸپ تۇر.
قارت كاسپيدٸڭ جاعاسىندا ەر جالاۋدىڭ ەسكەرتكٸشٸنە تاعزىم ەتتٸك. «اق جول» پارتيياسىنىڭ باسقا پارتييالاردان, باسقا قوعامدىق ۇيىمداردان ايرىقشا ەرەكشەلٸگٸ ۇلتتىق مٷددەنٸ قورعايتىن «الاش» يدەياسىن تۋ ەتٸپ ۇستاپ, ۇلتتىق يدەيا رەتٸندە ۇستاپ ۇلتتىق مٷددەمٸزدٸ قورعاپ كەلە جاتقان پارتييا ەكەنٸن بٸلەسٸزدەر.
ۇلتتىق يدەولوگييانى تۋ ەتٸپ ۇستاعان پارتييا بولعاندىقتان, بيىل سايلاۋدىڭ جورىعىن التىن وردانىڭ اتاسى, قازاق حاندارىنىڭ باباسى جوشى حاننان, قاسيەتتٸ ۇلىتاۋدان باستادىق. ەندٸ مىنا قاسيەتتٸ ماڭعىستاۋ ەلٸنە دە تابانىمىز تيدٸ, – دەپ ٶربٸتتٸ سٶزٸ ول.
ودان كەيٸن شتاب مٷشەلەرٸ قامقور-ماشزاۆود كەسٸپورنىنىڭ جۇمىسىمەن تانىسىپ, ەڭبەك ۇجىمىمەر كەزدەستٸ.
ازات پەرۋاشەۆ جۇمىسشىلاردىڭ سۇراقتارىنا جان-جاقتى جاۋاپ بەرٸپ, پارتييانىڭ اتالعان باعىتتاردا اتقارعان قىرۋار جۇمىستارىنان ناقتى مىسالدار كەلتٸردٸ.
رەسپۋبليكالىق شتاب مٷشەلەرٸ جينالعانداردى ناۋرىزدىڭ 19-كٷنٸ سايلاۋ ۋچاسكەلەرٸنە كەلٸپ, «اق جول» كانديداتتارىن قولداۋعا شاقىردى.
