– Jalaý Myńbaiulynyń erligi týraly kóp aitýǵa bolady. Ol qyrǵyz avtonomiialyq Respýblikasyn atqarýshy komitetiniń basshysy retinde avtomiialyq respýblikaǵa elimizdiń «Qazaq Respýblikasy» degen tól atyn qaitardy.
Bizdiń partiiamyzdyń saiasi baǵdarlamada dál osyndai talap bar. Biz ony resmi túrde 2019 jyly Parlament minberinde ashyq túrde aittyq.
Bizdiń oiymyzsha táýelsiz memlekettiń aty jerge emes, eldiń atyna bailanysty bolý kerek, iaǵni Qazaq Respýblikasy.
Ol kezde úkimet ony qoldamady, biraq, bizdiń oiymyzsha erte me, kesh pe soǵan kelemiz. Ol tarihi ádilettik dep sanaimyz, – dedi A.Perýashev jinalǵan qaýym aldynda.
Partiia lideri, sonymen qatar, «Aq joldyń» saiasi baǵdarlamasyn tanystyryp, atqarǵan jumystar jaily baiandady.
– Biz sońǵy ret Parlamentte 12-aq depýtat boldyq, 107 depýtattyń arasynda. Daýys bergen kezde óte mańyzdy máselelerde azshylyqta qalsaq ta, bastamalarymyz 10 jyl, keide 7-8 jyl ótken soń da iske asyp jatyr.
Jiyn barysynda sóz alǵan partiia tóraǵasynyń orynbasary Qazybek Isa «Aq joldyń» ózgelerden ereksheligin atap ótti.
– Qasietti Mańǵystaý ólkesine Pir Beket bastaǵan 362 áýlieniń eline, Úshqiianyń jerine tabanymyz tiip tur.
Qart Kaspidiń jaǵasynda er Jalaýdyń eskertkishine taǵzym ettik. «Aq jol» partiiasynyń basqa partiialardan, basqa qoǵamdyq uiymdardan airyqsha ereksheligi ulttyq múddeni qorǵaityn «Alash» ideiasyn tý etip ustap, ulttyq ideia retinde ustap ulttyq múddemizdi qorǵap kele jatqan partiia ekenin bilesizder.
Ulttyq ideologiiany tý etip ustaǵan partiia bolǵandyqtan, biyl sailaýdyń joryǵyn Altyn Ordanyń atasy, qazaq handarynyń babasy Joshy hannan, qasietti Ulytaýdan bastadyq. Endi myna qasietti Mańǵystaý eline de tabanymyz tidi, – dep órbitti sózi ol.
Odan keiin shtab músheleri Qamqor-Mashzavod kásipornynyń jumysymen tanysyp, eńbek ujymymer kezdesti.
Azat Perýashev jumysshylardyń suraqtaryna jan-jaqty jaýap berip, partiianyń atalǵan baǵyttarda atqarǵan qyrýar jumystarynan naqty mysaldar keltirdi.
Respýblikalyq shtab músheleri jinalǵandardy naýryzdyń 19-kúni sailaý ýchaskelerine kelip, «Aq jol» kandidattaryn qoldaýǵa shaqyrdy.
