مەجٸلٸس دەپۋتاتى ەرمۇرات باپي ۇلتتىق قۇرىلتاي قۇرامىنا ەنگەن جاعدايدا بۇل ۇسىنىستى قاراستىرۋعا دايىن ەكەنٸن, الايدا ونسىز دا اتقارىپ جاتقان ماڭىزدى جوبالارى جەتكٸلٸكتٸ ەكەنٸن ايتتى, دەپ حابارلايدى dalanews.kz.
ونىڭ سٶزٸنشە, قازٸرگٸ ۋاقىتتا بٸرنەشە جاڭا باستاما قولعا الىنعان. سونىڭ بٸرٸ – بيىلعى «دات» گازەتٸنٸڭ 30 جىلدىعىنا ارنالعان «30 جىلعا – 30 ٸس» جوباسى.
«ٶتسەم, ەرينە, قاراستىرامىن. بٸراق مەنٸڭ ونسىز دا اتقاراتىن شارۋام كٶپ. سوڭعى ۋاقىتتا بٸرنەشە جاڭا جوبانى قولعا الدىم. مەسەلەن, بيىل “دات” گازەتٸنٸڭ 30 جىلدىعىنا وراي “30 جىلعا – 30 كٸتاپ” باستاماسى اياسىندا بٸرقاتار جۇمىستاردى جٷزەگە اسىرىپ جاتىرمىز. كٸتاپتار شىعارۋ جوسپارىم دا بار», – دەدٸ دەپۋتات.
باپيدٸڭ ايتۋىنشا, بۇعان دەيٸن باستالىپ, اياقتالماي قالعان جوبالاردى دا جالعاستىرۋ جوسپاردا بار.
سونىمەن قاتار ول قازٸرگٸ تاڭدا قازاقستاننىڭ جاڭا تاريحىنا قاتىستى اۋقىمدى جوبامەن اينالىسىپ جاتقانىن جەتكٸزدٸ.
«ەڭ باستىسى قازاقستاننىڭ جاڭا تاريحىنا قاتىستى ٷلكەن جوبانى قولعا الدىم. قازٸر سونىڭ ٷستٸندە جۇمىس ٸستەپ جاتىرمىن. سوندىقتان قۇرىلتاي قۇرامىنا ەنبەي قالسام دا, قوعامعا جەنە حالىققا پايداسى تيەدٸ دەپ ويلايتىن ماڭىزدى شارۋالارىم جەتكٸلٸكتٸ», – دەدٸ ەرمۇرات باپي.
دەپۋتاتتىڭ پٸكٸرٸنشە, قوعامعا قىزمەت ەتۋ تەك بەلگٸلٸ بٸر كەڭەسشٸ نەمەسە كونسۋلتاتيۆتٸك ورگاننىڭ مٷشەسٸ بولۋمەن شەكتەلمەيدٸ. ونىڭ ايتۋىنشا, ەلدٸڭ قوعامدىق-ساياسي ٶمٸرٸنە ىقپال ەتەتٸن باستامالاردى تٷرلٸ الاڭداردا جٷزەگە اسىرۋعا مٷمكٸندٸك بار.
