«كۇنى كەشە عانا قاراعاندى قالاسىندا جۇسىپبەك ەلەبەكوۆ اتىنداعى ءۇش كۇنگە سوزىلعان رەسپۋبليكالىق ءان بايقاۋى بولىپ ءوتتى. ءداستۇرلى ءانشى، قازاقتىڭ ءتول ونەرىنىڭ جاناشىرى ەرلان تولەۋتاي مىرزا وسى ءان بايقاۋىن ەلىمىزدەگى اقپارات قۇرالدارى ناسيحاتتاۋعا ەنجارلىق تانىتقانىن جازىپ، ب ا ق وكىلدەرىنە وكپەسى قارا قازانداي ەكەنىن ايتىپتى.

– كەشە قاراعاندىدا جۇسىپبەك ەلەبەكوۆ اتىنداعى ءۇش كۇنگە سوزىلعان رەسپۋبليكالىق ءان بايقاۋى اياقتالدى. نەشە ونەرپاز قاتىستى، قالاي ءوتتى، كىم، نە بايگە الدى، انشىلەردىڭ دەڭگەيى قانداي؟ اپىراي، تىرس ەتكەن اقپارات بولسايشى. سانسىز سايتتار، پالەنباي پورتالدار، باقاداي شۋلاپ، بالاقتان ءورىپ، باسقا شىققان بيتتەي بىقىعان بلوگەرلەر، تۇگەنبەي تىلشىلەر كىسى ولتىرگەندەي ءۇنسىز.

مىنەكي، ءبىزدىڭ ۇلتتىق ونەرگە دەگەن ۇستانىم سىيقىمىز. اگەراكي، «Super star»، «ەكى جۇلدىز» سياقتى توبىرلىق ونەردى ناسيحاتتايتىن جوبالار بولسا، ءبىزدىڭ تەلەارنالار ءار ءانشىسىماقتىڭ اۋزىنا ميكروفون تىعىپ، ارتىنا كامەرا تىركەپ قويار ەدى. كەزىندەگى «Super star» سىندى توبىرلىق جوبالاردى جابىلا جارنامالاپ، جاپپاي ناسيحاتاي جونەلەتىن ءبىزدىڭ ب ا ق ۇلتتىق ونەرمەن ءوش-اق.

ايتپاقشى، كەزىندەگى «Super star» كوگىلدىرلىكتى استىرتىن ناسيحاتتايتىن جىمىسقى جوبا بولىپ ەدى. نەگە ەكەنى بەلگىسىز، ءبىزدىڭ جۋرناليستەر مۇنداي جىمىسقى جوبالاردى ناسيحاتتاۋعا كەلگەندە الدارىڭىزعا جان سالمايسىزدار دا، ۇلتتىق جوبالارعا كەلگەندە جۇمعان اۋىزدارىڭىزدى اشپاي قالاسىزدار.

وتكەندە ساقالى بار، مۇرتى جوق ءبىر بلوگەر «جۋرناليستەردىڭ 50 پايىزى انداي» دەپ. راسىندا سونداي بوپ كەتكەنسىزدەر مە، نە؟ ايتپەسە، رەسپۋبليكالىق ونەر بايقاۋى تۋرالى جىلت ەتكەن جالقى جول اقپارات نەگە جوق؟  جالكو ما، نە؟ الدە باستىقتارىڭىز «انداي بوپ» كەتىپ بەرگىزبەي وتىر ما؟

الەۋ جەلىلەر نەشە كۇننەن بەرى انەۋ ءبىر ءانشى ايەلدىڭ قىزىنىڭ بايدان قايتىپ كەلگەنىن جالاۋلاتۋدا. كەرىسىنشە بولسا، ارمان جوق قوي. مادەنيەتتى ۇلت – باسەكەگە ەڭ قابىلەتتى ۇلت.