دەستٷرلٸ ەنشٸ, ٶنەرتانۋشى, اكتەر ەرلان تٶلەۋتاي دجەكي چاننىڭ قازاقستانعا كەلۋٸنە بايلانىستى مەملەكەتتٸك دەڭگەيدە كٶرسەتٸلگەن قۇرمەتتٸ سىنعا الىپ, بيۋدجەت قاراجاتى ەڭ الدىمەن ۇلتتىق كينو مەن مەدەنيەتكە باعىتتالۋى تيٸس ەكەنٸن مەلٸمدەدٸ, دەپ حابارلايدى dalanews.kz.
ەرلان تٶلەۋتايدىڭ ايتۋىنشا, ەلەمگە تانىمال اكتەردٸڭ كەلۋٸ شوۋ-بيزنەس اياسىنداعى وقيعا بولعاندىقتان, ونى مەملەكەتتٸك دەڭگەيدەگٸ مەسەلە رەتٸندە قاراستىرۋ دۇرىس ەمەس.
«ۆيتسە-پرەمەر دە سوڭىنان جٷر. ەكٸم دە قارسى الادى. بٸراق دجەكي چان باسقا مەملەكەتتٸڭ ازاماتى. ول مەملەكەتتٸك كينوعا قاتىسپايدى. بۇل شوۋ يندۋستريياسىنىڭ ٶكٸلٸ. ونداي ادامدارمەن كينو سالاسىنىڭ ماماندارى جۇمىس ٸستەۋٸ كەرەك. مەملەكەتتٸك دەڭگەيدە سوعان سونشا كٶڭٸل بٶلەتٸندەي جاعدايدا ەمەسپٸز», - دەدٸ ول.
ونىڭ پٸكٸرٸنشە, مۇنداي ەرەكەتتەر قوعامدا كەرٸ پٸكٸر قالىپتاستىرىپ, جۇرتشىلىقتىڭ «ٶزٸمٸزدٸڭ ٶنەر ادامدارى قايدا قالدى?» دەگەن زاڭدى ساۋالىن تۋىنداتادى.
«حالىق “بٸزدٸڭ ٶز اكتەرلەرٸمٸز قايدا?”, “ۇلتتىق ٶنەرگە كٸم كٶڭٸل بٶلەدٸ?” دەپ سۇرايدى. كەشە دە ەلەۋمەتتٸك جەلٸدە وسى مەسەلە كٶتەرٸلدٸ. ەڭ الدىمەن ۇلتتىق ٶنەرگە قىزمەت ەتەتٸن ازاماتتارعا قولداۋ كٶرسەتٸلۋٸ كەرەك», - دەدٸ ەرلان تٶلەۋتاي.
ول سونداي-اق دجەكي چان قاتىساتىن فيلمگە بٶلٸنەتٸن قارجى كٶلەمٸنە قاتىستى دا پٸكٸر بٸلدٸردٸ.
«بٸر فيلمنٸڭ بيۋدجەتٸ 40 ميلليون دوللار دەيدٸ. تاعى بٸر جەردە 60 ميلليون دوللار دەگەن اقپارات ايتىلىپ جاتىر. وسىنشا قارجىعا ەلٸمٸزدە 50-60 كٶركەم فيلم تٷسٸرۋگە بولادى. سوندا بٸزدٸڭ ەل نە ويلاپ وتىر?» - دەدٸ ول.
ەرلان تٶلەۋتايدىڭ ايتۋىنشا, جوباعا قارجى قازاقستان تاراپىنان بٶلٸنسە, بۇل قاراجاتتىڭ قايدان الىنعانىنا قوعام نازار اۋدارۋى كەرەك.
«قارجىنى Kaspi بانك بەرەدٸ دەيدٸ. بٸراق ول قازاقتىڭ بانكٸ. امەريكادان كەلٸپ جاتقان اقشا ەمەس. بۇل حالىقتىڭ اقشاسى. سوندىقتان ونىڭ قازاق قوعامىنا قانداي ناقتى پايدا ەكەلەتٸنٸن تٷسٸنۋٸمٸز كەرەك», - دەدٸ اكتەر.
ونىڭ پٸكٸرٸنشە, شەتەلدٸك اكتەردٸڭ قازاقستاندا فيلمگە تٷسۋٸ ۇلتتىق مەدەنيەتتٸ حالىقارالىق دەڭگەيدە تانىتادى دەگەن پٸكٸر دە اسىرا باعالانۋدا.
«دجەكي چاننىڭ بۇل فيلمگە تٷسۋٸ قازاقتىڭ داڭقىن شىعارادى دەۋگە بولمايدى. فيلمدٸ بەلگٸسٸز رەجيسسەر تٷسٸرٸپ جاتىر. ونىڭ قانداي نەتيجە بەرەتٸنٸن ەشكٸم بٸلمەيدٸ. ال بٸزدە ۇلتتىق كينوعا قارجى جەتپەيدٸ دەيدٸ, ۇلتتىق ٶنەرگە اقشا جوق دەيدٸ. كٸتاپ شىعارايىن دەسەڭ دە قولداۋ تاپپايسىڭ. ەڭ الدىمەن قازاق قوعامىنا كەرەك دٷنيەلەرگە كٶڭٸل بٶلٸنۋٸ تيٸس. جاستارىمىز ۇلتتىق ٶنەرمەن تەربيەلەنۋٸ كەرەك», - دەپ تٷيٸندەدٸ ەرلان تٶلەۋتاي.
