سونىمەن قاتار مەملەكەتتىك كەڭەسشى Telegram-داعى پاراقشاسىندا جاريالاعان جازباسىندا مەملەكەت باسشىسى ءوز سوزىندە اعىمداعى جاعدايعا مۇقيات تالداۋ جاساپ، كوپتەگەن ماسەلەلەردىڭ جۇيەلى شەشىمدەرىن اتادى، الداعى مىندەتتەردى دە ايقىنداپ بەرگەنىن باسا اتاپ وتەدى. ونىڭ ۇستىنە ۇلتتىق قۇرىلتاي مۇشەلەرىنىڭ ەكى كۇن ىشىندە ايتقان بارلىق نەگىزگى ۇسىنىستارى پرەزيدەنتتىڭ سوزىندە كورىنىس تاۋىپ وتىردى.

قوعام بەلسەندىلەرى جۇمىس سەكسيالارى مەن پلەنارلىق وتىرىستا قانداي ماسەلەلەر مەن باستامالاردى كوتەردى؟

• ەكونوميكانى رەفورمالاۋ (يننوۆاسيالار مەن سيفرلىق تەحنولوگيالاردى ەنگىزۋ؛ سالىق-بيۋدجەت سالاسىن جەتىلدىرۋ؛ وڭىرلەردەگى كولىك ينفراقۇرىلىمىن دامىتۋ؛ ەڭبەك نارىعىنداعى وڭىرلىك تەڭگەرىمسىزدىكتەردى رەتتەۋ، وندىرىستە قاۋىپسىزدىكتى قامتاماسىز ەتۋ، جۇمىسشى كاسىپتەردى دارىپتەۋ) 
• الەۋمەتتىك ساياسات (ءبىلىم بەرۋدە قولجەتىمدىلىك مەن ساپانى ارتتىرۋ؛ عىلىم مەن دەنساۋلىق ساقتاۋ سالالارىن دامىتۋ؛ ەكولوگيا ماسەلەلەرى؛ ەرەكشە قاجەتتىلىكتەرى بار ادامدار ءۇشىن قولايلى جاعدايلار جاساۋ)
• "زاڭ جانە ءتارتىپ" قاعيداتىن نىعايتۋ (الاياقتىققا قارسى كۇرەس؛ ايەلدەر كولونيالارىندا ۇستاۋ شارتتارى؛ جاستار اراسىنداعى قۇقىق بۇزۋشىلىقتاردىڭ الدىن الۋ؛ قۇقىقتىق ساۋاتتىلىققا باۋلۋ؛ قۇقىق بۇزۋشىلاردىڭ اتا-انالارىنا قاتىستى قاراستىرىلاتىن جاۋاپكەرشىلىك)
• يدەولوگيالىق جۇمىستى جۇيەلەندىرۋ (ىشكى ساياسات سالاسىندا ءبىرىڭعاي تۇجىرىمدامالىق قۇجات ازىرلەۋ؛ دەسترۋكتيۆتى ءدىني اعىمدارعا قارسى كۇرەس؛ مەملەكەتتىك الەۋمەتتىك تاپسىرىس شارتتارىن قايتا قاراۋ؛ ىسىراپشىلدىق پەن مادەنيەتسىزدىككە قارسى ءىس-قيمىل؛ "ادال ازامات" باعدارلاماسى بويىنشا وسكەلەڭ ۇرپاقتى جۇيەلى تاربيەلەۋ؛ اعارتۋ جۇمىستارىن جۇرگىزۋ جانە مادەني-رۋحاني مۇرانى ىلگەرىلەتۋ).

• يدەولوگيالىق جانە گۋمانيتارلىق جوبالار:
• ىشكى ساياسات تۇجىرىمداماسىن ازىرلەۋ
• ۇەۇ سالاسىنداعى زاڭنامانى جەتىلدىرۋ
• شەت ەلدەردە اباي ينستيتۋتتارىنىڭ اشۋ
• بيولوگيالىق ارتۇرلىلىكتى قورعاۋدىڭ حالىقارالىق قورىن قۇرۋ
• ۇلتتىق سيفرلىق مۇراعاتتى قۇرۋ
• "قازاقستان بالالارى" ءبىرىڭعاي باعدارلاماسىن قۇرۋ
• ءار وبلىس ورتالىعىندا ەرەكشە بالالاردى وڭالتۋ جانە دامىتۋ ورتالىقتارىن قۇرۋ
• ءار وبلىس، اۋدان ورتالىعىندا، ەلدىمەكەندەر مەن اۋىلداردا بالالار فۋتبول الاڭدارىن جابدىقتاۋ

ەكونوميكالىق جانە ينفراقۇرىلىمدىق باستامالار:

• تاۋەلسىزدىكتىڭ 40 جىلدىعىنا وراي ەل دامۋىنىڭ بەس باسىم باعىتىن ايقىنداۋ: سيفرلاندىرۋ جانە جاساندى ينتەللەكت؛ كولىك جانە ترانزيت؛ ەنەرگەتيكا؛ اگروونەركاسىپتىك سەكتور؛ ادامي كاپيتال.
• 2025 جىلى ەكونوميكانىڭ ناقتى سەكتورىن قارجىلاندىرۋدى ەكى ەسەگە جۋىق، 8 تريلليون تەڭگەگە دەيىن، كەلەسى جىلدارى 10 تريلليون تەڭگەگە دەيىن ۇلعايتۋ.
• 2025-2026 جىلدارى ءىرى ينفراقۇرىلىمدىق جوبالاردى ىسكە اسىرۋ.
• الداعى ءتورت جىل ىشىندە جىل سايىن 200-گە جۋىق ينۆەستيسيالىق جوبانى ىسكە قوسۋ.
• شەكارالاس اۋماقتاردى دامىتۋ تۋرالى جاڭا زاڭدى ازىرلەۋ
• استانادان ارقالىق، تورعاي جانە ىرعىز ارقىلى ترانسكاسپيي حالىقارالىق كولىك دالىزىنە تىكەلەي شىعاتىن اۆتوموبيل جولىن سالۋ.
• اتوم ەنەرگەتيكاسى اگەنتتىگىن قۇرۋ.

 ايتا كەتسەك،بيىل ۇلتتىق قۇرىلتايدىڭ IV وتىرىسى بۋرابايدا ءوتتى. وندا پرەزيدەنت قوعام وكىلدەرى قامتىعان ۇسىنىستارعا دا توقتالا وتىرىپ، بىرنەشە تاپسىرما بەردى.