QR Memlekettik keńesshisi Erlan Qarin Býrabaida ótken Ulttyq quryltaidyń tórtinshi otyrysyna qatysty óz oiymen bólisti. Ol biylǵy jylǵy Ulttyq quryltai birneshe basty erekshelikterge ie ekenin aitady. Sondai-aq munda qoǵamdy tolǵandyratyn ózekti máselelerdiń keń aýqymy qozǵalǵanyn, al Prezidenttiń baǵdarlamalyq sipattaǵy sóilegen sózi mazmuny men qurylymy jaǵynan jyl saiynǵy Joldaýmen para-par ekenin naqtylaidy, dep habarlaidy Dalanews.kz.
Sonymen qatar Memlekettik keńesshi Telegram-daǵy paraqshasynda jariialaǵan jazbasynda Memleket basshysy óz sózinde aǵymdaǵy jaǵdaiǵa muqiiat taldaý jasap, kóptegen máselelerdiń júieli sheshimderin atady, aldaǵy mindetterdi de aiqyndap bergenin basa atap ótedi. Onyń ústine Ulttyq quryltai músheleriniń eki kún ishinde aitqan barlyq negizgi usynystary Prezidenttiń sózinde kórinis taýyp otyrdy.
Qoǵam belsendileri jumys sektsiialary men plenarlyq otyrysta qandai máseleler men bastamalardy kóterdi?
- Ekonomikany reformalaý (innovatsiialar men tsifrlyq tehnologiialardy engizý; salyq-biýdjet salasyn jetildirý; óńirlerdegi kólik infraqurylymyn damytý; eńbek naryǵyndaǵy óńirlik teńgerimsizdikterdi retteý, óndiriste qaýipsizdikti qamtamasyz etý, jumysshy kásipterdi dáripteý)
- Áleýmettik saiasat (bilim berýde qoljetimdilik men sapany arttyrý; ǵylym men densaýlyq saqtaý salalaryn damytý; ekologiia máseleleri; erekshe qajettilikteri bar adamdar úshin qolaily jaǵdailar jasaý)
- "Zań jáne tártip" qaǵidatyn nyǵaitý (alaiaqtyqqa qarsy kúres; áielder koloniialarynda ustaý sharttary; jastar arasyndaǵy quqyq buzýshylyqtardyń aldyn alý; quqyqtyq saýattylyqqa baýlý; quqyq buzýshylardyń ata-analaryna qatysty qarastyrylatyn jaýapkershilik)
- Ideologiialyq jumysty júielendirý (ishki saiasat salasynda biryńǵai tujyrymdamalyq qujat ázirleý; destrýktivti dini aǵymdarǵa qarsy kúres; memlekettik áleýmettik tapsyrys sharttaryn qaita qaraý; ysyrapshyldyq pen mádenietsizdikke qarsy is-qimyl; "Adal Azamat" baǵdarlamasy boiynsha óskeleń urpaqty júieli tárbieleý; aǵartý jumystaryn júrgizý jáne mádeni-rýhani murany ilgeriletý).
Memleket basshysy qandai mańyzdy bastamalardy kóterdi?
- Ideologiialyq jáne gýmanitarlyq jobalar:
- Ishki saiasat tujyrymdamasyn ázirleý
- ÚEU salasyndaǵy zańnamany jetildirý
- Shet elderde Abai institýttarynyń ashý
- Biologiialyq ártúrlilikti qorǵaýdyń halyqaralyq qoryn qurý
- Ulttyq tsifrlyq muraǵatty qurý
- "Qazaqstan balalary" biryńǵai baǵdarlamasyn qurý
- Ár oblys ortalyǵynda erekshe balalardy ońaltý jáne damytý ortalyqtaryn qurý
- Ár oblys, aýdan ortalyǵynda, eldimekender men aýyldarda balalar fýtbol alańdaryn jabdyqtaý
Ekonomikalyq jáne infraqurylymdyq bastamalar:
- Táýelsizdiktiń 40 jyldyǵyna orai el damýynyń bes basym baǵytyn aiqyndaý: tsifrlandyrý jáne jasandy intellekt; kólik jáne tranzit; energetika; agroónerkásiptik sektor; adami kapital.
- 2025 jyly ekonomikanyń naqty sektoryn qarjylandyrýdy eki esege jýyq, 8 trillion teńgege deiin, kelesi jyldary 10 trillion teńgege deiin ulǵaitý.
- 2025-2026 jyldary iri infraqurylymdyq jobalardy iske asyrý.
- Aldaǵy tórt jyl ishinde jyl saiyn 200-ge jýyq investitsiialyq jobany iske qosý.
- Shekaralas aýmaqtardy damytý týraly jańa zańdy ázirleý
- Astanadan Arqalyq, Torǵai jáne Yrǵyz arqyly Transkaspii halyqaralyq kólik dálizine tikelei shyǵatyn avtomobil jolyn salý.
- Atom energetikasy agenttigin qurý.
Aita ketsek,biyl Ulttyq quryltaidyń IV otyrysy Býrabaida ótti. Onda Prezident qoǵam ókilderi qamtyǵan usynystarǵa da toqtala otyryp, birneshe tapsyrma berdi.
