ونى ءقازاقتىلدى ورتا جاقسى كورەدى، نەگىزىندە. ءبىراق، ول تۋرالى كەرەكۋدىڭ ءوز ىشىندەگى پىكىر ءارقيلى. «رەكتور ارىن (ول ءبىراز جىل س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىن باسقاردى) مەن اكىم ارىن ەكى بولەك ادام» دەيدى كەرەكۋلىكتەر. ءيا، مۇنداي دا پىكىر بار.

ول تۋرالى: 2012 جىلدىڭ 20 قاڭتارى مەن 2013 جىلدىڭ 20 جەلتوقسانى ارالىعىندا ارىن پاۆلودار وبلىسىن باسقاردى.

2014 جىلدىڭ 4 ناۋرىزىندا 23 ملن. تەڭگەنى قالتاسىنا باستى دەگەن ايىپپەن قاماۋعا الىنعان بولاتىن. بۇل قارجىنى 2013 جىلى «ENRC Kazakhstan» ج ش س كەرەكۋدى كوركەيتۋ ءۇشىن دەمەۋشىلىك ماقساتتا وبلىستىق بيۋدجەتكە بولگەن ەكەن.

ايىبى: ارىنعا تاعىلعان ايىپ تا بۇدان بۇرىن پارا الىپ، باسى ءىستى بولعان شەنەۋنىكتەرگە ۇقساس. قىزمەتىن اسىرا پايدالانعان، ياعني، جەكە باسى ءۇشىن. وعان تاعىلعان 10 ايىپتىڭ 8ء-ى دالەلدەنگەن جوق. وزگە ەكەۋىندە سوت ارىندى الاياقتىق جولمەن 1،6 ملن تەڭگەنى جىمقىردى، پارا الدى جانە قىلمىستىق جولمەن الىنعان قارجىنى زاڭداستىردى دەپ ايىپتادى. سوتتىڭ شەشىمىنە ساي ارىن «قۇرمەت» جانە «پاراسات» وردەنىنەن ايىرىلدى.

شەشىمى: ول 3 جىلعا شارتتى تۇردە سوتتالدى. سوعان بايلانىستى كەرەكۋدەگى كوتتەدجىنەن الىسقا ۇزاپ شىعۋىنا بولمايتىن ەدى. سونىمەن قاتار الداعى 5 جىل بويىنا مەملەكەتتىك قىزمەتكە ماڭايلاي المايدى.

ءقازىر قايدا ءجۇر؟

بۇل كوپتىڭ كوكەيىندەگى ساۋال. ەستۋىمىزشە، ەرلان ارىن جۇمىسقا تۇرعان. پاۆلودار وبلىسىنىڭ ەكس-اكىمى ل.گۋميليەۆ اتىنداعى ەۋرازيا ۇلتتىق ۋنيۆەرسيتەتىنە قاراستى «ەۋرازيا»  ورتالىعىنىڭ باس عىلىمي قىزمەتكەرى بولىپ تاعايىندالىپتى.  ايلىعى ۋنيۆەرسيتەت قابىرعاسىندا جۇمىس ىستەيتىن مۇعالىمدەردىڭ شتاتتىق جالاقاسىنا ساي.

 ۋنيۆەرسيتەت باسشىلىعىنىڭ ايتۋىنشا، ارىن ستۋدەنتتەرگە ساباق بەرمەيدى جانە وقىتۋشىلار قۇرامىنا كىرمەيدى. ال اتالعان ورتالىقتىڭ  نەگىزىنەن ەۋرازيا تاقىرىبىن، كونفەسسياارالىق قاتىناستاردى، سونىمەن بىرگە تۇركى حالىقتارىنىڭ تاريحى جانە مادەنيەتىن زەرتتەۋمەن اينالىسادى ەكەن.

«قالا مەن دالا»