Ol týraly: 2012 jyldyń 20 qańtary men 2013 jyldyń 20 jeltoqsany aralyǵynda Aryn Pavlodar oblysyn basqardy.
2014 jyldyń 4 naýryzynda 23 mln. teńgeni qaltasyna basty degen aıyppen qamaýǵa alynǵan bolatyn. Bul qarjyny 2013 jyly «ENRC Kazakhstan» JSHS Kerekýdi kórkeıtý úshin demeýshilik maqsatta oblystyq búdjetke bólgen eken.
Aıyby: Arynǵa taǵylǵan aıyp ta budan buryn para alyp, basy isti bolǵan sheneýnikterge uqsas. Qyzmetin asyra paıdalanǵan, ıaǵnı, jeke basy úshin. Oǵan taǵylǵan 10 aıyptyń 8-i dáleldengen joq. Ózge ekeýinde sot Aryndy alaıaqtyq jolmen 1,6 mln teńgeni jymqyrdy, para aldy jáne qylmystyq jolmen alynǵan qarjyny zańdastyrdy dep aıyptady. Sottyń sheshimine saı Aryn «Qurmet» jáne «Parasat» ordeninen aıyryldy.
Sheshimi: Ol 3 jylǵa shartty túrde sottaldy. Soǵan baılanysty Kerekýdegi kotejinen alysqa uzap shyǵýyna bolmaıtyn edi. Sonymen qatar aldaǵy 5 jyl boıyna memlekettik qyzmetke mańaılaı almaıdy.
Qazir qaıda júr?
Bul kóptiń kókeıindegi saýal. Estýimizshe, Erlan Aryn jumysqa turǵan. Pavlodar oblysynyń eks-ákimi L.Gýmılev atyndaǵy Eýrazıa ulttyq ýnıversıtetine qarasty «Eýrazıa» ortalyǵynyń bas ǵylymı qyzmetkeri bolyp taǵaıyndalypty. Aılyǵy ýnıversıtet qabyrǵasynda jumys isteıtin muǵalimderdiń shtattyq jalaqasyna saı.
Ýnıversıtet basshylyǵynyń aıtýynsha, Aryn stýdentterge sabaq bermeıdi jáne oqytýshylar quramyna kirmeıdi. Al atalǵan ortalyqtyń negizinen Eýrazıa taqyrybyn, konfesıaaralyq qatynastardy, sonymen birge túrki halyqtarynyń tarıhy jáne mádenıetin zertteýmen aınalysady eken.
«Qala men Dala»
