26 جەلتوقساندا تاشكەنت قالاسىندا ٶتكەن كەسٸبي بوكس كەشٸنٸڭ باستى جەكپە-جەگٸندە قازاقستاندىق سپورتشى, مما جۇلدىزى ەرٸ اكتەر ەركەبۇلان توقتار ٶزبەكستاندىق تيمۋر نيكۋليندٸ جەڭدٸ, دەپ حابارلايدى Dalanews.kz.
ايقاس كەسٸبي بوكس ەرەجەلەرٸ بويىنشا ٶتٸپ, كەشتٸڭ باستى وقيعاسىنا اينالدى. جەكپە-جەكتٸڭ العاشقى راۋندىندا-اق ەركەبۇلان توقتار قارسىلاسىن نوكداۋنعا جٸبەردٸ. تيمۋر نيكۋلين ايقاستى جالعاستىرۋعا تىرىسقانىمەن, قازاقستاندىق بوكسشى شابۋىلىن ٷدەتتٸ. نەتيجەسٸندە ەركەبۇلان توقتار نوكاۋتپەن جەڭٸسكە جەتتٸ.
بۇل – ەركەبۇلان توقتاردىڭ كەسٸپقوي بوكستاعى ەكٸنشٸ جەكپە-جەگٸ. ول بۇعان دەيٸن دە OCTAGON ليگاسىندا تابىستى ٶنەر كٶرسەتٸپ كەلەدٸ. 2025 جىلى ٶتكٸزگەن ەكٸ جەكپە-جەگٸن دە نوكاۋتپەن اياقتاعان.
اتاپ ايتقاندا, اقپان ايىندا تەجٸكستاندىق كاماريددين حاسانوۆتى (كاميل كاراتە) تٶرتٸنشٸ راۋندتا جەڭٸپ, ۇيىمنىڭ BMF بەلبەۋٸن يەلەنسە, تامىز ايىندا يراندىق فارزاد گادەريدٸ ەكٸنشٸ راۋندتا نوكاۋتقا تٷسٸرگەن بولاتىن.
