26 jeltoqsanda Tashkent qalasynda ótken kásibı boks keshiniń basty jekpe-jeginde qazaqstandyq sportshy, MMA juldyzy ári akter Erkebulan Toqtar ózbekstandyq Tımýr Nıkýlındi jeńdi, dep habarlaıdy Dalanews.kz.
Aıqas kásibı boks erejeleri boıynsha ótip, keshtiń basty oqıǵasyna aınaldy. Jekpe-jektiń alǵashqy raýndynda-aq Erkebulan Toqtar qarsylasyn nokdaýnǵa jiberdi. Tımýr Nıkýlın aıqasty jalǵastyrýǵa tyrysqanymen, qazaqstandyq boksshy shabýylyn údetti. Nátıjesinde Erkebulan Toqtar nokaýtpen jeńiske jetti.
Bul – Erkebulan Toqtardyń kásipqoı bokstaǵy ekinshi jekpe-jegi. Ol buǵan deıin de OCTAGON lıgasynda tabysty óner kórsetip keledi. 2025 jyly ótkizgen eki jekpe-jegin de nokaýtpen aıaqtaǵan.
Atap aıtqanda, aqpan aıynda tájikstandyq Kamarıddın Hasanovty (Kamıl Karate) tórtinshi raýndta jeńip, uıymnyń BMF belbeýin ıelense, tamyz aıynda ırandyq Farzad Gaderıdi ekinshi raýndta nokaýtqa túsirgen bolatyn.
