رۋسلان جەلدىباي توقايەۆتىڭ بيىلعى العاشقى مەملەكەتتىك ساپارىن تۇركيا ەلىنەن باستاعانىن اتاپ ءوتىپ، بۇل جولعى ساپاردىڭ مازمۇنى مەن ماعىناسى ەكى ەل ءۇشىن دە ەرەكشە بولعانىن ايتتى.
"مەملەكەتتىك ساپار - قازاقستان رەسپۋبليكاسى پرەزيدەنتiنiڭ شەتەلدiك ساپارلارىنىڭ ىشىندە ايرىقشا جوعارى دەڭگەيگە يە.
وسى ورايدا پرەزيدەنتتىڭ مۇنداي دەڭگەيدەگى ساپارىن قازاقستان تاۋەلسىزدىگىن العاش مويىنداعان باۋىرلاس تۇركيا ەلىنەن باستاۋى ەرەكشە سيمۆولدى ماعىناسى بار.
مەملەكەت باسشىسى ۇشاقتان تۇسكەن بويدا زاماناۋي تۇركيا مەملەكەتىنىڭ نەگىزىن قالاۋشى اتاتۇرىكتىڭ مەموريالىنا بارىپ، ۇلى قايراتكەردىڭ بەيىتىنە زيارات جاسادى.
كەيىن پرەزيدەنت تۇركيا باسشىنىڭ سارايىنا بەت الدى. مۇندا قاسىم-جومارت توقايەۆتى رەجەپ تايىپ ەردوعان ەرەكشە سالتاناتپەن قارسى الدى"، – دەدى پرەزيدەنتتىڭ باسپا ءسوز حاتشىسى.
ونىڭ ايتۋىنشا قازاقستان دەلەگاسياسى باۋىرلاس ەلدەرگە ءتان قارىم-قاتىناستى تۇرىك ۇلتىنىڭ ءاربىر ىسىنەن، سوزىنەن، ارەكەتىنەن سەزىنگەن. پرەزيدەنت توقايەۆ تۇركيانىڭ تاۋەلسىزدىگىمىزدى العاش مويىنداعان ەل ەكەنىن ايتىپ، باۋىرلاس، تۋىستاس، دوستاس ەلدىڭ بۇل قادامىن قازاق حالقى ەشقاشان ۇمىتپايتىنىن جەتكىزگەن.
"بۇل جولعى ساپاردىڭ مازمۇنى مەن ماعىناسى ەكى ەل ءۇشىن دە ەرەكشە. كەلىسسوزدەر ناتيجەسىندە 14 ماڭىزدى قۇجاتقا قول قويىلدى. ولار اسكەري، ساۋدا، مادەنيەت، ەكونوميكا جانە باسقا دا سالالارىن قامتيدى.
مىسالى، قازاقستان مەن تۇركيا ANKA ۇشقىشسىز بارلاۋ اپپاراتتارىن بىرلەسىپ وندىرۋگە كەلىستى - قازاقستان مۇنداي كەلىسىمگە قول جەتكىزگەن العاشقى ەل.
ساپاردىڭ ەكىنشى كۇنى پرەزيدەنت تۇركيانىڭ ءىرى بيزنەس وكىلدەرىمەن كەزدەسىپ، كاسىپكەرلەردى قانداي سۇراق مازالايتىنىن سۇرادى. اشىق اڭگىمە بارىسىندا كوپتەگەن پروبلەما كوتەرىلىپ، پرەزيدەنت ولاردى جۇيەلى تۇردە شەشۋگە تاپسىرما بەردى.
جاسالعان كەلىسىمشارتتاردىڭ تولىق ورىندالۋىن ءوزىنىڭ جەكە باقىلاۋىندا بولاتىنىن ايتىپ، تۇرىك باۋىرلاردى قازاقستانعا ينۆەستيسيا قۇيۋعا شاقىردى. كەزدەسۋلەردىڭ ناتيجەسىندە قۇنى 1 ميلليارد دوللار بولاتىن 30 كوممەرسيالىق كەلىسىمشارتقا قول قويىلدى"، – دەيدى جەلدىباي.
باسپا ءسوز حاتشىسىنىڭ پىكىرىنشە بيزنەستىڭ دامۋى، ينۆەستيسيالاردىڭ كەلۋى ساياسي جۇيەنىڭ اشىقتىعى مەن تۇراقتىلىعىنا بايلانىستى. پرەزيدەنت توقايەۆ تۇركياداعى باسقوسۋدا وسى ماقساتتاعى رەفورمالارعا ارنايى توقتالعان.
«بەسىنشى ماۋسىمدا جالپىحالىقتىق رەفەرەندۋم وتكىزىلەتىن بولدى. كونستيتۋسيامىزدىڭ 33 بابىنا تۇزەتۋلەر ەنگىزىلەدى. مەنىڭ ماقساتىم – حالقىما مەيلىنشە ەركىندىك بەرۋ، دەموكراتيا مەن زاڭ ۇستەمدىگىن كۇشەيتۋ. پرەزيدەنت رەتىندە ەشقانداي ارتىقشىلىقتار مەن جەڭىلدىكتەرگە قۇمار ەمەسپىن. مۇندايدى قالامايمىن»، - دەدى مەملەكەت باسشىسى تۇركيا ساپارىندا.
"ەردوعان مەملەكەت باسشىسىنا ارنالعان ءار ءسوزىن "باۋىرىم" دەپ باستاپ، ءسوز جۇزىندە ەمەس، ءىس جۇزىندە قازاقستانعا جان-جاقتى قولداۋ كورسەتۋىن جالعاستىرا بەرەتىنىن ايتتى.
“قازاق باۋىرلارىمىزدىڭ تۇراقتىلىعى، تىنىشتىعى مەن قاۋىپسىزدىگى ءۇشىن ءبىز جاۋاپكەرشىلىك الۋعا دايىن ەكەنىمىزدى تاعى ءبىر رەت اتاپ كورسەتەمىن”- دەدى.
مەملەكەت باسشىنىڭ ەكى كۇنگە سوزىلعان تۇركياعا ساپارى وسىنداي باۋىرلاستىق، تىلەكتەستىك، دوستىق مازمۇندا ءوتتى. ەڭ باستىسى، جەمىستى ءوتتى. سەبەبى، مۇنداي كەڭەيتىلگەن ستراتەگيالىق ارىپتەستىككە بۇرىن-سوڭدى قول جەتكىزىلمەگەن ەدى. ياعني، تەك ءسوز جۇزىندە ەمەس، ناقتى قۇجات ارقىلى ستراتەگيالىق ارىپتەستىك بەكىتىلدى.
ايتپاقشى، ەل پرەزيدەنتتەرى ۇستەل تەننيسىنىڭ كەزەكتى پارتياسىن وسى كۇزدە قازاقستاندا جالعاستىرۋعا كەلىستى"، – دەپ تۇيىندەدى ءسوزىن رۋسلان جەلدىباي.
