ءراسىم قاراعايلى سكۆەرىندە ءوتتى. وعان قوعام قايراتكەرلەرى، قۋعىن-سۇرگىنگە ۇشىراعانداردىڭ تۋىستارى مەن جاقىندارى، جاستار ۇيىمدارىنىڭ وكىلدەرى قاتىستى.
ەسكە الۋ ءىس-شاراسىنا قاتىسۋشىلار قۋعىن-سۇرگىنگە ۇشىراعانداردى ءبىر مينۋت ۇنسىزدىكپەن ەسكە الىپ، مەموريالعا گۇل شوقتارىن قويدى. جينالعاندار بۇگىنگى تاڭدا تاريحتىڭ اقتاڭداق بەتتەرىن ۇمىتپاۋ، قازاقستاننىڭ بوستاندىعى مەن تاۋەلسىزدىگى ءۇشىن قانداي قۇرباندىقتىڭ بولعانىن جانە ولاردى ۇلىقتاۋ قانشالىقتى ماڭىزدى ەكەنىن اتاپ ءوتتى.
ءتۇرلى مالىمەتتەر بويىنشا، وتكەن عاسىردىڭ 30-شى جىلدارىنىڭ باسىندا 3 ميلليونعا جۋىق قازاقستاندىق جاپپاي اشارشىلىقتىڭ قۇربانى بولدى، 100 مىڭنان استام ادام قۋعىن-سۇرگىنگە ۇشىرادى، 25 مىڭنان استام ادام اتىلدى.
ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى قازاقستاندا 1997 جىلدان بەرى اتالىپ كەلەدى. قۋعىن-سۇرگىننەن قازاقستاننىڭ كورنەكتى عىلىم جانە مادەنيەت قايراتكەرلەرى – احمەت بايتۇرسىنوۆ، ءاليحان بوكەيحانوۆ، مىرجاقىپ دۋلاتوۆ، مۇحامەدجان تىنىشپايەۆ، ماعجان جۇمابايەۆ، ساكەن سەيفۋللين جانە باسقالار زارداپ شەكتى.
بۇل كۇندەرى قالادا ءتۇرلى ەستەلىك ءىس-شارالار، سونىڭ ىشىندە «دوڭگەلەك ۇستەلدەر» فورماتىنداعى كونفەرەنسيالار، تاريحي-اعارتۋشىلىق دارىستەر، تەاترلاندىرىلعان قويىلىمدار، كىتاپحانالارداعى فوتو جانە كىتاپ كورمەلەرى، جاستاردىڭ زيالى قاۋىم وكىلدەرىمەن كەزدەسۋلەر ۇيىمداستىرىلادى.
