Rásim Qaraǵaily skverinde ótti. Oǵan qoǵam qairatkerleri, qýǵyn-súrginge ushyraǵandardyń týystary men jaqyndary, jastar uiymdarynyń ókilderi qatysty.
Eske alý is-sharasyna qatysýshylar qýǵyn-súrginge ushyraǵandardy bir minýt únsizdikpen eske alyp, memorialǵa gúl shoqtaryn qoidy. Jinalǵandar búgingi tańda tarihtyń aqtańdaq betterin umytpaý, Qazaqstannyń bostandyǵy men táýelsizdigi úshin qandai qurbandyqtyń bolǵanyn jáne olardy ulyqtaý qanshalyqty mańyzdy ekenin atap ótti.
Túrli málimetter boiynsha, ótken ǵasyrdyń 30-shy jyldarynyń basynda 3 millionǵa jýyq qazaqstandyq jappai asharshylyqtyń qurbany boldy, 100 myńnan astam adam qýǵyn-súrginge ushyrady, 25 myńnan astam adam atyldy.
Saiasi qýǵyn-súrgin jáne asharshylyq qurbandaryn eske alý kúni Qazaqstanda 1997 jyldan beri atalyp keledi. Qýǵyn-súrginnen Qazaqstannyń kórnekti ǵylym jáne mádeniet qairatkerleri – Ahmet Baitursynov, Álihan Bókeihanov, Myrjaqyp Dýlatov, Muhamedjan Tynyshpaev, Maǵjan Jumabaev, Sáken Seifýllin jáne basqalar zardap shekti.
Bul kúnderi qalada túrli estelik is-sharalar, sonyń ishinde «dóńgelek ústelder» formatyndaǵy konferentsiialar, tarihi-aǵartýshylyq dárister, teatrlandyrylǵan qoiylymdar, kitaphanalardaǵy foto jáne kitap kórmeleri, jastardyń ziialy qaýym ókilderimen kezdesýler uiymdastyrylady.
