– ەگەر انتيدەنەلەر سانى بەلگىلى ءبىر تيتر مولشەرىنەن اسىپ كەتسە، وندا ۆاكسينا الۋعا بولمايدى. ال انتيدەنەلەر سانى از بولسا ۆاكسينا قاجەت، ايتپەسە اۋىرىپ قالۋىڭىز مۇمكىن. ءار اعزانىڭ دەربەس جانە انتيدەنەلەردىڭ جويىلۋ جىلدامدىعى ءار ءتۇرلى ەكەنىن ءتۇسىنۋ كەرەك، – دەدى د. ۋكييەۆا.
ەپيدەميولوگ ۆاكسينانىڭ قالاي وتەتىنىن ءتۇسىندىردى: ازامات ەكپە پۋنكتىنە كەلەدى، كەلىسىمگە قول قويادى، تەراپيەۆتەن مەديسينالىق تەكسەرۋدەن وتەدى جانە وسىدان كەيىن عانا دەلتويدتى بۇلشىقەتكە ۆاكسينانىڭ ءبىرىنشى دوزاسىن الادى. سودان كەيىن بەيدج بەرىلىپ كۇتۋ ايماعىنا جىبەرىلەدى، وندا وتىز مينۋت مامانداردىڭ باقىلاۋىندا بولادى. ۆاكسينادان كەيىن ناۋقاستاردىڭ دەنساۋلىعى سۇرالادى.
دانارا ۋكييەۆانىڭ ايتۋىنشا، ۆاكسينانى 18 جاسقا دەيىنگى ادامدار، جۇكتى ايەلدەر، ەمىزەتىن ايەلدەر، سونداي-اق اللەرگيالىق رەاكسيالار مەن سوزىلمالى اۋرۋلارى بار ادامداردان باسقالار الۋعا ءتيىس.
بۇگىندە الماتىدا قالا تۇرعىندارىنىڭ ۆاكسينا الۋ ناۋقانى ءجۇرىپ جاتىر. الماتىلىقتارعا ىڭعايلى بولۋ ءۇشىن قالادا 211 ەكپە پۋنكتى جۇمىس ىستەيدى. ولار ەمحانا، ساۋدا ورتالىقتارى، بازار، مەكتەپ، مادەنيەت نىساندارىندا ورنالاسقان جانە كۇن سايىن دەمالىسسىز تاڭعى 8-دەن كەشكى 8-گە دەيىن جۇمىس ىستەيدى.
مىسالى، قازاقستاننىڭ ەڭبەك سىڭىرگەن قايراتكەرى ءارى ءانشى مۇقاسان شاحزادايەۆ بىلاي دەيدى: «ماسەلەن، يزرايل ەلىن الايىق، حالىقتىڭ 95%-ى ۆاكسينا الدى. بۇگىندە حالىق بەتپەردەسىز ءجۇر. نەگە ءبىز ولاردان ۇلگى المايمىز. ءقازىر ادامدار شارشاعا. ەگەر ءبارىمىز ۆاكسينا الساق، بۇل كۇندەر دە ارتتا قالار» دەدى.
