تالايدىڭ تالانتىن ۇشتاعان، ارمانىنا قانات بىتىرگەن، بيىك بەلەستەردى باعىندىرۋعا ۇلكەن مۇمكىندىك  سىيلاعان، قاسيەتتى ءبىلىم ورداسى ول – قازۇۋ.

بۇل ۋنيۆەرسيتەت ءوز مىندەتىن ءالى دە ابىرويمەن اتقارىپ كەلە جاتىر. مەملەكەت باسشىسى قاسىم-جومارت توقايەۆ ۇلتتىق قۇرىلتايدىڭ بيىلعى وتىرىسىندا سويلەگەن سوزىندە: «ادىلەتتى قازاقستان» جانە «ادال ازامات» ۇعىمدارى ەل تىرەگى بولاتىن ەگىز قۇندىلىق رەتىندە ءاردايىم قاتار تۇرۋعا ءتيىس. ادال ازاماتقا ءتان قاسيەتتەر ءاربىر جاستىڭ بويىنان تابىلۋى كەرەك. ۇلتتىڭ جاڭا بولمىسى ءبىلىم، عىلىم جانە مادەنيەت سالاسىن دامىتۋ ارقىلى قالىپتاسادى»، – دەپ اتاپ وتكەنىن بولاتىن.   قازىرگى تاڭدا جاستاردى ءبىلىم –عىلىمعا باۋلىپ، كوزى اشىق، سانالى ۇرپاق رەتىندە قالىپتاستىراتىن، ولارعا دۇرىس باعىت-باعدار بەرىپ، تاربيەلەيتىن  ورتانىڭ ءبىرى جوعارى وقۋ ورىندارى بولىپ وتىر. سولاردىڭ ءبىرى - قازۇۋ.

قازۇۋ جوعارى بىلىكتى مامانداردى دايارلاۋعا، الەمدىك ءبىلىم بەرۋ كەڭىستىگىنە ودان ءارى ينتەگراسيالاۋعا، ىرگەلى جانە قولدانبالى زەرتتەۋلەردى دامىتۋعا، ولاردى وندىرىسكە ەنگىزۋگە باعىتتالعان وراسان زور ءبىلىم بەرۋ، عىلىمي، رۋحاني-تاربيەلىك، يننوۆاسيالىق جانە وندىرىستىك الەۋەتكە يە جوعارعى وقۋ ورنى. بۇل ۋنيۆەرسيتەتتە 16 فاكۋلتەت، 67 كافەدرادا  ەكى مىڭنان استام پروفەسسورلار، دوكتورلار، عىلىم كانديداتتارى جانە فيلوسوفيا دوكتورلارى، ءىرى اكادەميالاردىڭ 100-دەن استام اكادەميكتەرى ءبىلىم بەرەدى.  سونداي-اق، ۋنيۆەرسيتەت بىرلەسكەن حالىقارالىق وقۋ باعدارلامالارىن ىسكە اسىرۋ، ستۋدەنتتەرمەن الماسۋ جانە تاعىلىمدامالار وتكىزۋ بويىنشا الەمدەگى ءىرى حالىقارالىق جوعارى وقۋ ورىندارىمەن ىنتىماقتاسادى. قازۇۋ - 2022 جىلعى وقۋ جىلىنان بەرى  اقش، ۇلىبريتانيا، جاپونيا، فرانسيا، ءباا جانە تۇركيانىڭ  جەتەكشى ۋنيۆەرسيتەتتەرىمەن 30-دان استام كەلىسىمشارت جاسادى. ىستامبۇل مەن بىشكەك قالالارىندا ءقازۇۋ-نىڭ فيليالدارى جۇمىس ىستەسە، الماتى قالاسىندا ۋنيۆەرسيتەت بازاسىندا ميفي (ماسكەۋ) فيليالى اشىلدى. بۇل ۋنيۆەرسيتەتتىڭ جەتكەن جەتىستىكتەرىنىڭ ءبىر بولىگى. قازۇۋ مەكتەپ ءبىتىرۋشى تۇلەكتەر، كوللەدج ستۋدەنتتەرى مەن ماگيسترانتتار، دوكتارانتتاردىڭ تورتتەن ءۇش بولىگى تاڭدايتىن ۋنيۆەرسيتەت. ءسوزىمىزدىڭ دالەلى رەتىندە 2023 جىلعى ستاتيستيكاعا سۇيەنسەك،  بيىلدىڭ وزىندە ۇلتتىڭ جاڭا بولمىسىن قالىپتاستىرۋعا ۇمتىلعان 7436 تالاپكەر قازۇۋ-عا 1-كۋرسقا قابىلدانعان. ماگيستراتۋراعا – 1340، دوكتورانتۋراعا 278 ادام تۇسكەن. قازۇۋ جاڭا وقۋ جىلىنا جالپى سانى 10 152 ادام قابىلدادى. قازىرگى تاڭدا قازۇۋ-دا 25 مىڭعا جۋىق ستۋدەنت بار، ونىڭ 2،5 مىڭعا جۋىعى الەمنىڭ 50 ەلىنەن كەلگەن شەتەلدىك ستۋدەنتتەر بولىپ تابىلادى. قازۇۋ – ساپالى ءبىلىم بەرۋمەن قاتار، ىرگەلى عىلىمدى دامىتۋعا دا ۇلكەن ۇلەس قوسىپ كەلە جاتقان جوعارى وقۋ ورنى.

بۇگىنگى زامان – وي مەن ءورىستى، ىزدەنىستى تالاپ ەتەتىن جانە عىلىمي جاڭالىعى كوپ جاڭاشىل كەزەڭ. بۇگىنگى جاڭارعان تالاپتار قوعامى ەڭ الدىمەن ناعىز ماماندى كوبىرەك باعالايدى. وسى تۇستا، ءوز سالاسىن جەتىك مەڭگەرگەن، كاسىبي شەبەرلىگى جوعارى مامانداردى دايارلاۋعا ۇلكەن ۇلەس قوسىپ كەلە جاتقان زاڭ فاكۋلتەتىن ەرەكشە ماقتانىشپەن اتاپ ايتا الامىن. سەبەبى، زاڭ فاكۋلتەتى وسى ۋاقىتقا دەيىن  قۇقىق سالاسىنداعى مامانداردى ونىڭ ىشىندە: سوت، پروكۋراتۋرا، ىشكى ىستەر ورگاندارى مەن مەملەكەتتىك قاۋىپسىزدىكتىڭ جوعارى بىلىكتى جاۋاپتى قىزمەتكەرلەرىن، نوتاريۋستاردى، ادۆوكاتتاردى جانە زاڭ كومپانيالارىنداعى زاڭگەرلەردى دايىنداپ شىعاردى. قازىرگى تاڭدا زاڭ عىلىمى قوعامعا اۋاداي قاجەتتى، اۋقىمدى، ءىرى بەدەلگە  يە عىلىم سالاسى. زاڭ فاكۋلتەتىنىڭ جۇمىسىنىڭ باستى ماقساتى-ەل الدىنداعى جوعارى جاۋاپكەرشىلىكتى، بولاشاقتا ەل ىرگەسىن ۇستايتىن جاس ۇرپاقتى دايارلاۋ.  قازۇۋ ستۋدەنتتەردىڭ اكادەميالىق جانە كاسىبي ماقساتتارىنا جەتۋ ءۇشىن تاماشا، ءارى تاپتىرماس ورىن بولىپ وتىر، الداعى ۋاقىتتا دا جوعارى ءبىلىم بەرۋ سالاسىنداعى كوشباسشى بولىپ قالا بەرەتىنىنە سەنىمىمىز مول. بۇل مەكەن ءبىز ءۇشىن ءاردايىم ىستىق بولىپ قالا بەرمەك.

 

تۇرىسبەك اسەم بەرىك قىزى

ءال-فارابي اتىنداعى قازۇۋ، 2كۋرس ماگيسترانتى

 

مۇقالدييەۆا گۋليا بوكەش قىزى

ءال-فارابي اتىنداعى قازۇۋ، ازاماتتىق قۇقىق جانە ازاماتتىق ءىس جۇرگىزۋ، ەڭبەك قۇقىعى كافەدراسى  ز.ع.ك.، دوسەنتى