يتالياندىق Eni S.p.A مۇناي-گاز توبى رەسەيدەگى وكىلدىگىنىڭ جۇمىسىن توقتاتتى. بۇعان دەيىن ونى بيىلعى قاڭتار ايىنان باستاپ قازاقستان ازاماتى نۇرجان كامالوۆ باسقارىپ كەلگەن، دەپ حابارلايدى Dalanews.kz.
ينتەرفاكس-قازاقستان اگەنتتىگى 2000 جىلدان باستاپ ماسكەۋدە جۇمىس ىستەپ كەلگەن بۇل وكىلدىكتىڭ جۇمىسى 5 ماۋسىمنان باستاپ توقتاتىلدى، دەپ حابارلايدى شەتەلدىك زاڭدى تۇلعالار وكىلدىكتەرىن اككرەديتتەۋ تۋرالى مەملەكەتتىك تىزىلىمىنە سىلتەمە جاساپ.
وكىلدىكتى 2025 جىلدىڭ قاڭتار ايىنان باستاپ قازاقستان ازاماتى نۇرجان كامالوۆ باسقارىپ كەلگەن. سونىمەن قاتار ول ماسكەۋدەگى Eni Energy LLC كومپانياسىنىڭ باس ديرەكتورى بولىپ تابىلادى. ال بۇل كومپانيا توپتىڭ كومپانيالارىنا اكىمشىلىك قولداۋ كورسەتۋمەن اينالىسادى، اتاپ ايتقاندا سوڭعى كەزدەرى Eni Energy Russia B. V. جانە Eni Trade and Biofuels S. p.a-عا.
