قازاقستاندا بانكتەر دەپوزيتتەر بويىنشا سىياقى مٶلشەرلەمەسٸن تٶمەندەتۋگە كٸرٸستٸ. بۇل ٶزگەرٸس ۇلتتىق بانكتٸڭ بازالىق مٶلشەرلەمەنٸ تٶمەندەتۋ تۋرالى شەشٸمٸنەن كەيٸن باستالدى, دەپ حابارلايدى dalanews.kz.
قازاقستاننىڭ دەپوزيتتەرگە كەپٸلدٸك بەرۋ قورىنىڭ مەلٸمەتٸنشە, ماۋسىم ايىندا ەڭ ٷلكەن ٶزگەرٸستەر جيناق دەپوزيتتەرٸندە, ەسٸرەسە تولىقتىرۋ مٷمكٸندٸگٸ جوق دەپوزيتتەردە بايقالعان. سەبەبٸ دەل وسى ٶنٸمدەر بويىنشا تابىستىلىق ەڭ جوعارى دەڭگەيدە بولعاندىقتان, بانكتەر الدىمەن وسى سەگمەنتتەگٸ مٶلشەرلەمەلەردٸ قايتا قاراعان.
مٶلشەرلەمەلەردٸڭ ەڭ ايتارلىقتاي تٶمەندەۋٸ ورتا جەنە ۇزاق مەرزٸمدٸ دەپوزيتتەردە تٸركەلدٸ. ساراپشىلار مۇنى بانكتەردٸڭ ۇزاق مەرزٸمدە قارجىلاندىرۋ قۇنىنىڭ ودان ەرٸ ارزاندايتىنىن كٷتۋٸمەن بايلانىستىرادى.
سونىمەن قاتار قور بانكتەردٸڭ دەپوزيتتٸك ساياساتىندا ٶزگەرٸستەر بٸردەن بولمايتىنىن اتاپ ٶتتٸ. سەبەبٸ ەر قارجى ۇيىمى ٶز ٸشكٸ ساياساتىنا ساي شەشٸم قابىلدايدى, ال كەيبٸر بانكتەر بەسەكەلەستەرٸنٸڭ ەرەكەتٸن باقىلاپ, كٷتۋ تاكتيكاسىن ۇستانىپ وتىر.
وسىعان بايلانىستى دەپوزيتتەر بويىنشا مٶلشەرلەمەلەردٸڭ تٶمەندەۋ ٷردٸسٸ كەلەسٸ ايدا دا جالعاسۋى مٷمكٸن. بۇعان قوسا, 2026 جىلعى 24 شٸلدەدە ۇلتتىق بانك بازالىق مٶلشەرلەمە بويىنشا كەزەكتٸ شەشٸمٸن جارييالايدى. بۇل بٶلشەك دەپوزيتتەر نارىعىنداعى مٶلشەرلەمەلەردٸڭ ودان ارعى ديناميكاسىنا ەسەر ەتەدٸ.
سوعان قاراماستان, تەڭگەدەگٸ دەپوزيتتەردٸڭ تابىستىلىعى ەلٸ دە جوعارى دەڭگەيدە قالىپ وتىر. ەسٸرەسە قىسقا مەرزٸمدٸ دەپوزيتتەر بويىنشا كٸرٸستٸلٸك تارتىمدى بولىپ قالا بەرەدٸ. قوردىڭ تٷسٸندٸرۋٸنشە, بۇل بانكتەردٸڭ بەسەكەگە قابٸلەتتٸلٸكتٸ ساقتاپ, حالىقتىڭ ۇلتتىق ۆاليۋتاداعى جيناقتارعا قىزىعۋشىلىعىن قولداۋعا تىرىسىپ جاتقانىن كٶرسەتەدٸ.
ەسكە سالايىق, 2026 جىلعى 5 ماۋسىمدا ۇلتتىق بانك بازالىق مٶلشەرلەمەنٸ 17%-عا دەيٸن تٶمەندەتكەن بولاتىن. وسىدان كەيٸن ماۋسىم ايىندا 10 بانك دەپوزيتتەر بويىنشا سىياقى مٶلشەرلەمەلەرٸن قايتا قارادى. ٶزگەرٸستەر دەپوزيتتەردٸڭ بارلىق تٷرٸنە ەسەر ەتكەنٸمەن, ەڭ ٷلكەن تٶمەندەۋ جيناق دەپوزيتتەرٸ سەگمەنتٸندە تٸركەلدٸ. كەيبٸر بانكتەر دەپوزيت مەرزٸمٸنە قاراي مٶلشەرلەمەلەردٸ بٸر جەردە تٶمەندەتسە, كەي جەردە كەرٸسٸنشە كٶتەرگەن.
