قاندىاعاش قالاسىندا 188 ادامنىڭ جاپپاي ۋلانۋىنا بايلانىستى تەكسەرۋ بارىسىندا “تۇمار” مەيرامحاناسىنىڭ مٸندەتتٸ سانيتارييالىق-ەپيدەميولوگييالىق قورىتىندىسىز جۇمىس ٸستەگەنٸ انىقتالدى. بۇل تۋرالى استانادا ٶتكەن بريفينگتە قر دەنساۋلىق ساقتاۋ مينيسترلٸگٸ سانيتارييالىق-ەپيدەميولوگييالىق باقىلاۋ كوميتەتٸنٸڭ تٶرايىمى سارحات بەيسەنوۆا مەلٸمدەدٸ, دەپ حابارلايدى dalanews.kz.
كوميتەتتٸڭ مەلٸمەتٸنشە, تەكسەرۋ كەزٸندە سانيتارييالىق تالاپتاردىڭ بٸرقاتار ٶرەسكەل بۇزۋشىلىعى انىقتالعان. اتاپ ايتقاندا, قوعامدىق تاماقتانۋ ورنى قاجەتتٸ رۇقسات قۇجاتىنسىز قىزمەت كٶرسەتكەن. سونداي-اق ازىق-تٷلٸكتٸ ساقتاۋ تالاپتارى, تاعام ەزٸرلەۋ تەحنولوگيياسى, عيماراتتىڭ سانيتارييالىق جاعدايى مەن قىزمەتكەرلەردٸڭ جەكە گيگيەناسى تالاپقا ساي بولماعان.
بۇدان بٶلەك, مەيرامحانا قىزمەتكەرلەرٸنٸڭ مٸندەتتٸ مەديتسينالىق تەكسەرۋدەن ٶتپەگەنٸ جەنە مەديتسينالىق كٸتاپشالارىنىڭ جوق ەكەنٸ بەلگٸلٸ بولدى.
زەرتحانالىق زەرتتەۋ قورىتىندىسى بويىنشا تاعام سىنامالارىنان جەنە قىزمەتكەرلەردەن الىنعان شايىندى ٷلگٸلەردەن ٸشەك ينفەكتسيياسىنىڭ قوزدىرعىشتارى انىقتالعان.
العاشقى ناۋقاستار 19 ماۋسىم كٷنٸ مۇعالجار اۋداندىق اۋرۋحاناسىنە جٷگٸنگەن. ولاردىڭ بارلىعى «تۇمار» مەيرامحاناسىندا ٶتكەن توي مەن اس بەرۋ رەسٸمدەرٸنە قاتىسقاندار بولعان.
رەسمي دەرەككە سەيكەس, جاپپاي ۋلانۋدان جالپى سانى 188 ادام زارداپ شەككەن. ولاردىڭ ٸشٸندە 15-ٸ – 14 جاسقا دەيٸنگٸ بالالار.
اقتٶبە وبلىستىق دەنساۋلىق ساقتاۋ باسقارماسى تاراتقان اقپاراتقا سەيكەس, قازٸرگٸ ۋاقىتتا 13 ناۋقاس ستاتسيوناردا ەم الىپ جاتىر. ونىڭ 12-سٸ مۇعالجار اۋداندىق اۋرۋحاناسىندا, بٸر ادام وبلىستىق جۇقپالى اۋرۋلار اۋرۋحاناسىندا ەمدەلۋدە.
ەسكە سالايىق, 19 ماۋسىمدا «تۇمار» مەيرامحاناسىندا ٶتكەن تويدان كەيٸن اۋرۋحاناعا جٷگٸنۋشٸلەر سانى كٷرت كٶبەيگەن ەدٸ. كەيٸن مەديتسينالىق كٶمەككە جٷگٸنگەندەر سانى 113 ادامعا جەتٸپ, الدىن الا مەلٸمەت بويىنشا 34 ادامعا سالمونەللەز دياگنوزى قويىلعان.
وقيعادان كەيٸن مەيرامحانانىڭ قىزمەتٸ توقتاتىلدى. اتالعان دەرەك بويىنشا قازاقستان رەسپۋبليكاسى قىلمىستىق كودەكسٸنٸڭ 304-بابى («سانيتارييالىق قاعيدالاردى نەمەسە گيگيەنالىق نورماتيۆتەردٸ بۇزۋ») بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
