Qandyaǵash qalasynda 188 adamnyń jappai ýlanýyna bailanysty tekserý barysynda “Tumar” meiramhanasynyń mindetti sanitariialyq-epidemiologiialyq qorytyndysyz jumys istegeni anyqtaldy. Bul týraly Astanada ótken brifingte QR Densaýlyq saqtaý ministrligi Sanitariialyq-epidemiologiialyq baqylaý komitetiniń tóraiymy Sarhat Beisenova málimdedi, dep habarlaidy dalanews.kz.
Komitettiń málimetinshe, tekserý kezinde sanitariialyq talaptardyń birqatar óreskel buzýshylyǵy anyqtalǵan. Atap aitqanda, qoǵamdyq tamaqtaný orny qajetti ruqsat qujatynsyz qyzmet kórsetken. Sondai-aq azyq-túlikti saqtaý talaptary, taǵam ázirleý tehnologiiasy, ǵimarattyń sanitariialyq jaǵdaiy men qyzmetkerlerdiń jeke gigienasy talapqa sai bolmaǵan.
Budan bólek, meiramhana qyzmetkerleriniń mindetti meditsinalyq tekserýden ótpegeni jáne meditsinalyq kitapshalarynyń joq ekeni belgili boldy.
Zerthanalyq zertteý qorytyndysy boiynsha taǵam synamalarynan jáne qyzmetkerlerden alynǵan shaiyndy úlgilerden ishek infektsiiasynyń qozdyrǵyshtary anyqtalǵan.
Alǵashqy naýqastar 19 maýsym kúni Muǵaljar aýdandyq aýrýhanasyne júgingen. Olardyń barlyǵy «Tumar» meiramhanasynda ótken toi men as berý rásimderine qatysqandar bolǵan.
Resmi derekke sáikes, jappai ýlanýdan jalpy sany 188 adam zardap shekken. Olardyń ishinde 15-i – 14 jasqa deiingi balalar.
Aqtóbe oblystyq densaýlyq saqtaý basqarmasy taratqan aqparatqa sáikes, qazirgi ýaqytta 13 naýqas statsionarda em alyp jatyr. Onyń 12-si Muǵaljar aýdandyq aýrýhanasynda, bir adam oblystyq juqpaly aýrýlar aýrýhanasynda emdelýde.
Eske salaiyq, 19 maýsymda «Tumar» meiramhanasynda ótken toidan keiin aýrýhanaǵa júginýshiler sany kúrt kóbeigen edi. Keiin meditsinalyq kómekke júgingender sany 113 adamǵa jetip, aldyn ala málimet boiynsha 34 adamǵa salmonellez diagnozy qoiylǵan.
Oqiǵadan keiin meiramhananyń qyzmeti toqtatyldy. Atalǵan derek boiynsha Qazaqstan Respýblikasy Qylmystyq kodeksiniń 304-baby («Sanitariialyq qaǵidalardy nemese gigienalyq normativterdi buzý») boiynsha sotqa deiingi tergeý júrgizilip jatyr.
