سەنات دەپۋتاتى نۇرتٶرە جٷسٸپ جاڭا كونستيتۋتسييانىڭ ەل ٶمٸرٸنە تيگٸزەتٸن ناقتى ەسەرٸ تۋرالى ايتىپ بەردٸ. ونىڭ سٶزٸنشە, قۇجات قوعامنىڭ ٸشكٸ سۇرانىسىنان تۋىنداعان زاڭدى ەرٸ ۋاقىتىلى قادام بولىپ وتىر, دەپ حابارلايدى Dalanews.kz.
«سوڭعى جىلدارى ەل ٸشٸندە ەدٸلدٸككە, اشىقتىققا جەنە حالىقتىڭ مەملەكەتتٸك باسقارۋعا كەڭٸنەن قاتىسۋىنا دەگەن قاجەتتٸلٸك ايقىن سەزٸلدٸ. 15 ناۋرىزدا ٶتكەن جالپىۇلتتىق رەفەرەندۋم ازاماتتاردىڭ ەل تاعدىرىنا بەيجاي قارامايتىنىن جەنە ساياسي جٷيەنٸ جاڭعىرتۋعا دايىن ەكەنٸن كٶرسەتتٸ. جاڭا كونستيتۋتسييانىڭ باستى ايىرماشىلىعى – بيلٸكتٸڭ شەكتەن تىس ورتالىقتانۋىن ازايتىپ, ونى تەڭگەرٸمدٸ ەرٸ تيٸمدٸ مودەلگە كٶشٸرۋٸندە», – دەدٸ دەپۋتات.
نۇرتٶرە جٷسٸپتٸڭ ايتۋىنشا, جاڭا كونستيتۋتسييا كٷندەلٸكتٸ ٶمٸردە ناقتى ٶزگەرٸستەر ەكەلەدٸ. ول بۇرىن قۇقىقتار كٶبٸنە قاعاز جٷزٸندە عانا قالسا, ەندٸ ولاردى قورعاۋدىڭ تيٸمدٸ مەحانيزمدەرٸ پايدا بولعانىن ايتتى.
«ازاماتتار ٶز قۇقىقتارى بۇزىلعان جاعدايدا تٸكەلەي كونستيتۋتسييالىق سوتقا جٷگٸنە الادى. سونىمەن قاتار جەرگٸلٸكتٸ ٶزٸن-ٶزٸ باسقارۋ جٷيەسٸنٸڭ دامۋى ارقىلى حالىق ٶز ٶڭٸرٸندەگٸ مەسەلەلەردٸ شەشۋگە قاتىسا الادى. ياعني ەربٸر ازامات ٶز اۋىلىنىڭ, قالاسىنىڭ دامۋىنا ىقپال ەتە الادى», – دەپ اتاپ ٶتتٸ سەناتور.
جاڭا كونستيتۋتسييا ەلٸمٸزدٸڭ دامۋىن دەموكراتييالىق, تەڭگەرٸمدٸ باسقارۋ مودەلٸنە كٶشٸرەدٸ.
«ەندٸگٸ باستى قاعيدا – “كٷشتٸ پرەزيدەنت – ىقپالدى پارلامەنت – ەسەپ بەرەتٸن ٷكٸمەت”. بۇل بيلٸك تارماقتارىنىڭ اراسىنداعى ناقتى تەپە-تەڭدٸكتٸ قامتاماسىز ەتەدٸ جەنە ەرقايسىسىنىڭ جاۋاپكەرشٸلٸگٸن ارتتىرادى. ۇزاق مەرزٸمدٸ پەرسپەكتيۆادا بۇل ەلٸمٸزدٸڭ تۇراقتىلىعىن نىعايتىپ, ەكونوميكالىق دامۋعا وڭ ەسەرٸن تيگٸزەدٸ», – دەيدٸ نۇرتٶرە جٷسٸپ.
سەناتوردىڭ سٶزٸنشە, جاڭا كونستيتۋتسييادا ادام قۇقىقتارى مەن بوستاندىقتارى ەڭ جوعارى قۇندىلىق رەتٸندە بەكٸتٸلگەن.
«جەر مەن تابيعي رەسۋرستاردىڭ حالىققا تيەسٸلٸ ەكەندٸگٸ ايقىندالىپ, ولاردى پايدالانۋ كەزٸندە حالىق مٷددەسٸنٸڭ باسىمدىعى قامتاماسىز ەتٸلەدٸ», – دەدٸ سەناتور.
نۇرتٶرە جٷسٸپتٸڭ پٸكٸرٸنشە, قاراپايىم ازامات كونستيتۋتسييا مەتٸنٸن تولىق وقىماسا دا, ونىڭ ناقتى ەسەرٸن كٷندەلٸكتٸ ٶمٸردە سەزٸنەدٸ. ەدٸل سوت شەشٸمدەرٸ, مەملەكەتتٸك ورگانداردىڭ اشىق ەرٸ ەسەپ بەرەتٸن جۇمىسى, ٶز ٶتٸنٸشتەرٸنە جەدەل ەرٸ ناقتى جاۋاپ الۋ ارقىلى ادامدار بۇل ٶزگەرٸستەردٸ بايقايدى. ۋاقىت ٶتە كەلە جەرگٸلٸكتٸ دەڭگەيدە حالىقتىڭ پٸكٸرٸ ەسكەرٸلٸپ, شەشٸم قابىلداۋ پروتسەسٸنە قاتىسۋ مٷمكٸندٸگٸ ارتقان سايىن رەفورمالاردىڭ شىنايى ەسەرٸ كٷشەيە تٷسەدٸ.
