«قازاقستان رەسپۋبليكاسىنىڭ ۇلتتىق كاۋىپسىزدىگى: ساياسات، ەكونوميكا، اقپارات» اتتى كونفەرەنسيا جۇمىسىنا ق ر ۇعا اكادەميكتەرى، ق ر ءماجىلىس دەپۋتاتتارى، ق ر جوو باسشىلارى مەن كورنەكتى قوعام جانە مەملەكەت قايراتكەرلەرى قاتىستى. پلەنارلىق وتىرىستا رەسەيدەن، قىرعىزستاننان كەلگەن عالىمدار باياندامالار وقىپ، عالىمنىڭ وزبەكستانداعى ارىپتەستەرى ونلاين جۇيەدە بايلانىسقا شىقتى.
ق ر ۇعا اكادەميگى، زاڭ عىلىمدارىنىڭ دوكتورى، قازاقستاننىڭ ەڭبەك سىڭىرگەن قايراتكەرى سارتايەۆ سۇلتان سارتاي ۇلى: «ءومىر دەگەن الىپ كۇش، تاس بۇعاۋدى بۇزاتىن. باسسا دا جەردى قالىڭ مۇز، جارىپ ونى شىعاتىن. ومىرگە دەگەن ىنتالىق، شوپكە دە ءالسىز كۇشتىلەر. كۇشتىلىگى سونشالىق، جولىندا جاتسا، تاس تەسەر. ءبىز ءوزىمىزدىڭ ءبىلىمىمىزدىڭ نەگىزىندە، كونستيتۋسيامىزدى ءورىستى جولعا سالۋعا تىرىستىق، سول سەكىلدى ەسەنجول عىلىم سالاسىنىڭ دامۋىنا ايتارلىقتاي ءوز ۇلەسىن قوستى»، - دەپ اتاپ ءوتتى.
ءىس-شارانىڭ شىمىلدىعىن تۇرە وتىرىپ، مەرەيتوي يەسى مەملەكەتتىڭ ۇلتتىق قاۋىپسىزدىگىن ساقتاۋ – بۇگىندە وزەكتى تاقىرىپتاردىڭ ءبىرى ەكەنىنە باسا نازار اۋداردى. «تەك قانا كوركەم ەمەس، قازاق ينتەلەگەنسياسىن قۇرۋعا بەلسەنە ات سالىسقان، قازاق زيالى قاۋىمىن قالىپتاستىرۋعا سەپتىگىن تيگىزگەن اعا بۋىن وكىلدەرى – الدىمىزدا جانىپ تۇرعان جارىق جۇلدىز سەكىلدى جول كورسەتىپ، باعىت-باعدار بەرىپ تۇر»،- دەپ ەسەنجول قاني ۇلى اتاپ ءوتتى.
كونفەرەنسيادا كاۆكاز ايماعىنداعى يسلام فاكتورلارى جانە قاۋىپسىزدىك ماسەلەلەرى: ونىڭ قازاقستانعا اسەرى، قازىرگى قىرعىزستانداعى ەتنوسارالىق قاتىناستاردىڭ ءمان-جايى، قر-نىڭ ۇلتتىق قاۋىپسىزدىگى، زاماناۋي تالاپقا سايكەس قازاقستاننىڭ ۇلتتىق قاۋىپسىزدىگىن قامتاماسىز ەتۋدەگى ارنايى «قاۋىپسىزدىك كاتەگورياسىنىڭ تۇسىنىگى مەن ءمانى قانداي؟» جانە «قاۋىپسىزدىكتى زەرتتەۋدىڭ يدەيالىق - تەوريالىق نەگىزدەرى نەدە؟» دەگەن سۇراقتار تالقىلاندى.
ءۇش سەكسياعا بولىنگەن بۇل پلەنارلىق وتىرىستىڭ «مەملەكەتتىك جانە قوعامدىق قاۋىپسىزدىكتى نىعايتۋ ساياساتى» اتتى ءبىرىنشى سەكسياسىندا قر-نىڭ اۋماقتىق دامۋىنداعى ساياسي-اكىمشىلىك اسپەكتىلەرى، ەلدىڭ ۇلتتىق قاۋىپسىزدىگىن قامتاماسىز ەتۋدەگى كونفەسسياارالىق فاكتورلارى، قر-نىڭ گەوساياسي ستراتەگياسىنىڭ باسىمدىقتارى، ەتنوسارالىق بىرلىك – قازاقستاننىڭ ازاماتتىق ۇلتىنىڭ نەگىزى تۋراسىندا ايتىلسا، «ۇلتتىق ەكونوميكانىڭ تۇراقتىلىعى مەن دامۋى جونىندەگى سۇراقتار » دەپ اتالاتىن ەكىنشى سەكسيادا قازاق عىلىمي-وندىرىستىك بىرلەستىگىنە الەۋمەتتىك-كاسىپكەرلىك كوزقاراس، ەۋرازيالىق ەكونوميكالىق وداقتىڭ دامۋ تەندەنسيالارى مەن پروبلەمالارى، ناقتىلاي ايتقاندا كاپيتال مەن جۇمىس كۇشىنىڭ قوزعالۋ ەركىندىگى جانە يمپورتتىڭ ەكسپورتتان ارتۋى سالدارىنان تۋىنداعان پروبلەمالار، ۇلى جىبەك جولىنىڭ ەكونوميكالىق قاۋىپسىزدىگى، ورتالىق ازياداعى ەكونوميكالىق دامۋدىڭ كەيبىر اسپەكتىلەرى تۋرالى ماسەلەلەر قارالدى. وتىرىس قازاقستاننىڭ اقپاراتتىق كەڭىستىگىن قالىپتاستىرۋداعى «ساندىق مادەنيەت»، قر-نىڭ اقپاراتتىق قاۋىپسىزدىگى: قاۋىپتەر مەن شەشىلۋ جولدارى قارالعان «اقپاراتتىق قاۋىپسىزدىك – ۇلتتىق قاۋىپسىزدىكتىڭ نەگىزگى ەلەمەنتى» اتتى ءۇشىنشى سەكسيامەن اياقتالدى.
قازۇۋ، باسپا ءسوز قىزمەتى
