بەلگٸلٸ ساياساتتانۋشى تالعات قاليەۆ الماتىداعى ادام ٶلٸمٸنە ەكەلگەن جول اپاتىنا قاتىستى پٸكٸر بٸلدٸرٸپ, ونى كەزدەيسوق وقيعا ەمەس, ۇزاق جىلدار بويى قالىپتاسقان جٷيەلٸك پروبلەمانىڭ سالدارى دەپ اتادى, دەپ حابارلايدى Dalanews.kz
ساراپشىنىڭ ايتۋىنشا, ەل-فارابي داڭعىلى بويىنداعى زاڭسىز جارىستار بۇرىننان بەلگٸلٸ قۇبىلىس. ونىڭ پٸكٸرٸنشە, مۇنداي ەرەكەتتەرگە كٶبٸنە اۋقاتتى توپ ٶكٸلدەرٸ بارىپ, ٶز «ەرلٸكتەرٸن» ەلەۋمەتتٸك جەلٸلەردە اشىق جارييالاپ وتىرعان.
تالعات قاليەۆ بۇل جاعدايعا قۇقىق قورعاۋ ورگاندارىنىڭ جەتكٸلٸكتٸ دەڭگەيدە نازار اۋدارماۋى ىقپال ەتكەنٸن اتاپ ٶتتٸ. ونىڭ ايتۋىنشا, الماتىدا «قول سۇعىلمايتىن» ادامدار توبى قالىپتاسىپ, پوليتسييا ولاردىڭ ەرەكەتتەرٸنە كٶز جۇما قاراۋعا ٷيرەنگەن.
ساراپشى سونداي-اق قالاداعى قۇقىق قورعاۋ جٷيەسٸندە كادرلىق ساياساتتىڭ دا ۇزاق ۋاقىت بويى سىرتقى ىقپالعا تەۋەلدٸ بولعانىن العا تارتتى. بۇل, ونىڭ پٸكٸرٸنشە, پوليتسييا جٷيەسٸندە كەسٸبيلٸك پەن پرينتسيپشٸلدٸكتٸڭ ەلسٸرەۋٸنە ەكەلگەن.
سونىمەن قاتار, ول ەلەۋمەتتٸك جەلٸلەردە پوليتسيياداعى سىبايلاس جەمقورلىق تۋرالى جيٸ ايتىلاتىنىن, الايدا مۇنداي ايىپتاۋلارعا قاتىستى اشىق ەرٸ ناقتى تەرگەۋلەردٸڭ بولماعانىن سىنعا الدى.
"كٷدٸكتٸ كەسٸپكەرلٸك تالانتىمەن ەرەكشەلەنبەيدٸ. ونىڭ بايلىعى مارقۇم, كورەي دياسپوراسىنىڭ بۇرىنعى باسشىسى ۆلاديمير نيگە بايلانىستى ەكەنٸ ايتىلىپ جٷر. ٶز ورتاسىندا ۆاكە دەگەن اتپەن بەلگٸلٸ ول تۇلعا كەزٸندە نۇرسۇلتان نازارباەۆ جانىندا ۇزاق جىلدار قىزمەت اتقارىپ, كەيٸن شارۋاشىلىق باسقارماسىن باسقارعان. سونداي-اق «قازاقمىس» كومپانيياسىن جەكەشەلەندٸرۋ ٷدەرٸسٸنە ىقپال ەتٸپ, ٶز ادامدارىنىڭ مٷددەسٸن ٸلگەرٸلەتكەنٸ ايتىلادى", - دەدٸ ساراپشى.
بۇعان قوسا, راحات ەليەۆتٸڭ اتىشۋلى جازبالارىندا ونىڭ ٸشكٸ ٸستەر مينيسترٸنە باعىنىشتىلارىن جول پوليتسيياسى توقتاتقان جاعداي ٷشٸن ەسەپ بەرگەنٸ دە بەلگٸلٸ. ساراپشىلاردىڭ پٸكٸرٸنشە, بۇرىنعى كەزەڭدە وسىنداي ىقپالدى بايلانىستاردىڭ ارقاسىندا بٷگٸنگٸ قايعىلى جول اپاتىنا كٸنەلٸ ادام جازادان سىتىلىپ كەتۋٸ دە مٷمكٸن ەدٸ.
ساراپشىنىڭ پٸكٸرٸنشە, قازٸرگٸ جاعداي – مەملەكەت ٷشٸن ماڭىزدى سىناق. ەسٸرەسە, ەدٸلەتتٸلٸك قاعيداتىن باستى قۇندىلىق رەتٸندە جارييالاعان جاڭا ساياسي باعىت اياسىندا بۇل ٸس قوعام نازارىندا بولۋى تيٸس.
تالعات قاليەۆ جول قوزعالىسى ەرەجەلەرٸن جٷيەلٸ تٷردە بۇزاتىندارعا قاتىستى جازانى قاتاڭداتۋ قاجەت ەكەنٸن اتاپ ٶتتٸ. ونىڭ ٸشٸندە جٷرگٸزۋشٸ كۋەلٸگٸنەن ايىرۋ, سونداي-اق ادام ٶلٸمٸنە ەكەلگەن جول اپاتتارى ٷشٸن جازانى كٷشەيتۋ مەسەلەسٸن كٶتەردٸ.
ساراپشى الماتى پوليتسيياسىنىڭ جۇمىسىنا قوعامدىق باقىلاۋ ەنگٸزۋدٸ ۇسىنىپ, ارنايى كوميسسييا قۇرۋ قاجەتتٸگٸن ايتتى. ونىڭ پٸكٸرٸنشە, مۇنداي قادامدار بولاشاقتا وسىنداي قايعىلى جاعدايلاردىڭ الدىن الۋعا مٷمكٸندٸك بەرەدٸ.
ەسكە سالايىق, 21 ناۋرىزعا قاراعان تٷنٸ الماتىدا بٸرنەشە ادامنىڭ ٶلٸمٸنە ەكەپ سوققان جول اپاتى بولدى. ەل-فارابي داڭعىلى مەن مەڭدٸقۇلوۆ كٶشەسٸنٸڭ قيىلىسىندا Mercedes پەن Zeekr اۆتوكٶلٸكتەرٸ سوقتىعىستى. جول-كٶلٸك وقيعاسى سالدارىنان ٷش ادام قازا تاپتى.
Mercedes كٶلٸگٸنٸڭ 29 جاستاعى جٷرگٸزۋشٸسٸ مەن ەكٸ جولاۋشىسى – 20 جەنە 22 جاستاعى قىزدار وقيعا ورنىندا كٶز جۇمدى. Zeekr جٷرگٸزۋشٸسٸ امان قالىپ, تٷرلٸ جاراقاتپەن اۋرۋحاناعا تٷستٸ.
ٸشكٸ ٸستەر مينيسترلٸگٸنٸڭ حابارلاۋىنشا, كٷدٸكتٸلەردٸڭ بٸرٸ — الەكساندر پاك — ماس كٷيدە بولعان. پوليتسييا دەپارتامەنتٸنٸڭ بٸر باسشىسىنىڭ جٷرگٸزۋشٸسٸ دە تەرگەلدٸ, ول ەرەكەتسٸزدٸگٸ ٷشٸن كٷدٸككە ٸلٸندٸ.
