ءقازىر سايلاۋدىڭ ۇگىت-ناسيحات جۇمىستارى بەلسەندى ءجۇرىپ جاتىر. دەپۋتاتتىققا ۇمىتكەرلەر حالىقپەن كەزدەسۋىن جالعاستىرۋدا. الماتى قالاسى تۇرعىندارى كەزدەسۋلەردە كاندايداتتار قانداي ماسەلەلەردى قوزعادى دەگەن زاڭدى سۇراق تۋىندايدى. وسى رەتتە الماتى قالاسى ءماسليحاتىنىڭ بوستاندىق اۋدانى بويىنشا دەپۋتاتتىعىنا ۇمىتكەر – ساپار راحمەنشەيەۆتەن از-كەم سۇحباتتاستىق. ءوز كەزەگىندە ۇمىتكەر ومىردەن العان ساباقتارى مەن  كاسىبي تاجىريبەسى ارقىلى الماتى قالاسىن قالاي كوركەيتۋگە ۇلەس قوساتىنىن بايانداپ بەردى.

 

– ساپار مىرزا، ومىردەن العان نەگىزگى ساباقتارىڭىز قانداي؟

– ەڭ ءبىرىنشى ساباعىم – اتا انامىزدىڭ بەرگەن تاربيەسى. وتباسىمىزدا ءوزىمىز بەس اعايىندىمىز. ءالى ەسىمدە – مەنىڭ اتام مەن اجەم دە، انام مەن اكەم دە بەسەۋمىزگە “ەشكىمنىڭ الا ءجىبىن اتتاما، بوتەن بىرەۋدىڭ زاتىن رۇقساتسىز الما” دەپ قۇلاعىمىزعا قۇيىپ ءوسىردى. سودان كەيىن قولىڭنان كەلگەنشە، جاقسىلىق ىستە دەپ ۇيرەتەتىنى ەسىمدە.

– حالىقپەن كەزدەسىپ جۇرگەنىڭىزگە ءۇش اپتا بولدى. سايلاۋشىلاردىڭ قوزعايتىن نەگىزگى ماسەلەلەرى قانداي؟

– بىرىنشىدەن، ءوزىم مەديسينا سالاسىندا جۇمىس ىستەگەننەن كەيىن، كوپتەگەن ادامدار ەلدەگى مەديسينانىڭ ساپاسىنا كوڭىلدەرى تولمايتىنىن ايتىپ جاتادى. بۇل رەتتە مامانداردىڭ جەتىسپەۋى، مەكەمەلەردەگى ۇزىن كەزەكتەر سياقتى ماسەلەلەر كوپشىلىكپەن كەزدەسۋدە كەڭىنەن قوزعالادى.

ەكىنشىدەن، ۇستازدار مەن تاربيەشىلەردىڭ ايلىعىن كوتەرۋ جايلى ماسەلەلەر كوتەرىلەدى. ال تۇرعىندارمەن كەزدەسكەندە، اۋلامىزدى كۇردەلى جوندەۋدەن وتكىزىپ، ەگىلگەن اعاشتار ۋاقىتىلى سۋعارىلۋىن تالاپ ەتەجى.

سونىمەن قاتار، بالا دەنساۋلىعىنا اسا ماڭىزدى كوڭىل ءبولۋ كەرەك. الدىمىزداعى ەڭ ۇلكەن ماسەلەلەردىڭ ءبىرى – بالالاردىڭ گادجەتكە تاۋەلدىلىگىن شەكتەۋ بولىپ تۇر. ول تىكەلەي بالالاردىڭ پسيحيكاسىنا اسەر ەتەدى.

ونىمەن قوسا جكح-نىڭ حالىققا كورسەتىپ جاتقان قىزمەتىنىڭ ساپاسىن ارتتىرۋ. ءبىزدىڭ باستى مىندەت وسىنىڭ بارلىعىن شەشىپ، بوستاندىق اۋدانى تۇرعىندارىنىڭ ءومىر ءسۇرۋ ساپاسىن جاقسارتۋ.

ءارى ءبىزدىڭ ورتالىق قالا تۇرعىندارىنا پسيحولوگيالىق كومەك كورسەتەتىن ورتالىق بولعاننان كەيىن، حالقىمىزدىڭ پسيحولوگيالىق جاعدايىن جاقسارتۋ، ياعني ادامدارعا ۋاقىتىلى كومەك پەن كەڭەس بەرۋ وتە ماڭىزدى.

– ءوزىڭىزدىڭ ومىرلىك جانە كاسىبي تاجىريبەڭىزدى ەلىمىزدى جاقسارتۋ ءۇشىن قالاي قولدانا الاسىز؟

– الماتى قالاسىنىڭ 2023-2027 جىلدار اراسىنداعى دامۋ جوسپارى دايىندالعان. بۇل جوسپاردىڭ ىشىندە ەمدەۋ مەكەمەلەرىنىڭ سانىن كوبەيتۋ، قۇرىلىس، ءبىلىم سالاسىن جاقسارتۋ سياقتى ماسەلەلەر تايعا تاڭبا باسقانداي انىق جازىلعان. وسى جوسپار بىزگە شامشىراق بولاتىنى ءسوزسىز.



ەگەر ەمدەۋ مەكەمەلەرى مەن جاس مامانداردىڭ سانى كوبەيسە، ءبىزدىڭ ەلىمىزدەگى تۇرعىنداردىڭ قوزعاپ جاتقان كوپتەگەن ماسەلەلەرى شەشىلەدى.

مەنىڭ ماقساتىم 25 جىل بويى جيناعان تاجىريبەمدى قولدانىپ، ەلدىڭ مۇڭ مۇقتاجىن ەستىرتۋ كەرەك مەكەمەلەرگە جەتكىزىپ، وزەكتى ماسەلەلەردى شەشۋ. سوندىقتان ەڭ الدىمەن، ۋاقىتىلى، قولجەتىمدى، ساپالى مەديسينانى ارتتىرۋ ماقساتىندا ءوز تاجىريبەمدى قولدانسام دەگەن نيەتىم بار.

– اڭگىمەڭىزگە راحمەت!