– Sapar myrza, ómirden alǵan negizgi sabaqtaryńyz qandai?
– Eń birinshi sabaǵym – ata anamyzdyń bergen tárbiesi. Otbasymyzda ózimiz bes aǵaiyndymyz. Áli esimde – meniń atam men ájem de, anam men ákem de beseýmizge “eshkimniń ala jibin attama, bóten bireýdiń zatyn ruqsatsyz alma” dep qulaǵymyzǵa quiyp ósirdi. Sodan keiin qolyńnan kelgenshe, jaqsylyq iste dep úiretetini esimde.
– Halyqpen kezdesip júrgenińizge úsh apta boldy. Sailaýshylardyń qozǵaityn negizgi máseleleri qandai?
– Birinshiden, ózim meditsina salasynda jumys istegennen keiin, kóptegen adamdar eldegi meditsinanyń sapasyna kóńilderi tolmaitynyn aityp jatady. Bul rette mamandardyń jetispeýi, mekemelerdegi uzyn kezekter siiaqty máseleler kópshilikpen kezdesýde keńinen qozǵalady.
Sonymen qatar, bala densaýlyǵyna asa mańyzdy kóńil bólý kerek. Aldymyzdaǵy eń úlken máselelerdiń biri – balalardyń gadjetke táýeldiligin shekteý bolyp tur. Ol tikelei balalardyń psihikasyna áser etedi.
Onymen qosa JKH-nyń halyqqa kórsetip jatqan qyzmetiniń sapasyn arttyrý. Bizdiń basty mindet osynyń barlyǵyn sheship, Bostandyq aýdany turǵyndarynyń ómir súrý sapasyn jaqsartý.
Ári bizdiń ortalyq qala turǵyndaryna psihologiialyq kómek kórsetetin ortalyq bolǵannan keiin, halqymyzdyń psihologiialyq jaǵdaiyn jaqsartý, iaǵni adamdarǵa ýaqytyly kómek pen keńes berý óte mańyzdy.
– Ózińizdiń ómirlik jáne kásibi tájiribeńizdi elimizdi jaqsartý úshin qalai qoldana alasyz?
– Almaty qalasynyń 2023-2027 jyldar arasyndaǵy damý jospary daiyndalǵan. Bul jospardyń ishinde emdeý mekemeleriniń sanyn kóbeitý, qurylys, bilim salasyn jaqsartý siiaqty máseleler taiǵa tańba basqandai anyq jazylǵan. Osy jospar bizge shamshyraq bolatyny sózsiz.
Eger emdeý mekemeleri men jas mamandardyń sany kóbeise, bizdiń elimizdegi turǵyndardyń qozǵap jatqan kóptegen máseleleri sheshiledi.
Meniń maqsatym 25 jyl boiy jinaǵan tájiribemdi qoldanyp, eldiń muń muqtajyn estirtý kerek mekemelerge jetkizip, ózekti máselelerdi sheshý. Sondyqtan eń aldymen, ýaqytyly, qoljetimdi, sapaly meditsinany arttyrý maqsatynda óz tájiribemdi qoldansam degen nietim bar.
– Áńgimeńizge rahmet!
