قازىرگى ۋاقىتتا اگروونەركاسىپتىك كەشەن سالاسىندا ينۆەستيسيالاردىڭ جالپى سوماسى 88،3 ملرد تەڭگەنى قۇرايتىن 22 ينۆەستيسيالىق جوبا جۇزەگە اسىرىلۋدا.
– جالپى ينۆەستيسياسى 18،35 ملرد تەڭگەنى قۇرايتىن 72،3 مىڭ توننا دايىن ءونىمدى (ەت كومبيناتى، نان زاۋىتى، جارتىلاي فابريكاتتار، ۇن جانە كونديتەرلىك ونىمدەر) شىعارۋ جانە قايتا وڭدەۋ بويىنشا وندىرىستىك كەشەندەردىڭ قۇرىلىسى جونىندە 8 ينۆەستيسيالىق جوبا جۇزەگە اسىرىلىپ جاتىر.
سونداي-اق KazakhInvest-پەن بىرلەسىپ كونديتەرلىك ونىمدەر شىعاراتىن زاۋىت سالۋ ءۇشىن شەتەلدىك ينۆەستوردى تارتۋ بويىنشا جۇمىس جۇرگىزىلدى. بۇل – پولشالىق Stokson كومپانياسى، جوبانىڭ جالپى قۇنى شامامەن 5 ملرد تەڭگەنى قۇرايدى، – دەدى ماقسات جاڭابايەۆ.
سول سياقتى جالپى سوماسى شامامەن 30 ملرد تەڭگەنى قۇرايتىن 2 كتو (45 مىڭ ش.م.)، 2 ملرد تەڭگەنى قۇرايتىن 1 قويما كەشەنىن (9،5 مىڭ ش. م.)، سونداي-اق 2،85 ملرد تەڭگە سوماسىنا 3 كوكونىس قويماسىن (14 مىڭ توننا ساقتاۋ) سالۋ بويىنشا ينۆەستيسيالىق جوبالار جۇزەگە اسىرىلۋدا.
جالپى ينۆەستيسيا سوماسى 22،7 ملرد تەڭگەنى قۇرايتىن جىلدىق قۋاتى 14 مىڭ توننا ءونىم وندىرەتىن 2 جىلىجاي كەشەنىن سالۋ دا جوسپاردا بار ەكەن.
سونىمەن قاتار اقمولا وبلىسىنداعى جەتەكشى اۋىل شارۋاشىلىعى ءونىم وندىرۋشىلەردىڭ ءبىرى «AQMOL FOOD» جشس-مەن ەلوردادا جالپى قۇنى 2،6 ملرد تەڭگە قۇرايتىن 4 جىل بويى جارمەڭكەنى اشۋ بويىنشا ينۆەستيسيالىق جوبالار جۇزەگە اسپاقشى.
– بۇگىندە قالادا قۇنى 9،8 ملرد تەڭگەنى قۇرايتىن 2 بازاردىڭ قۇرىلىسى دا قارقىندا ءجۇرىپ جاتىر. جەدەل شارالاردىڭ ءبىرى – «اينالىم مەحانيزمى» بولىپ سانالادى. «اينالىم تەتىگى» اياسىندا بيۋدجەتتەن 14 ملرد تەڭگە بولىنگەن. بارلىق ءامات 19 ءتۇرى بويىنشا 35 مىڭ توننا جەتكىزۋگە كەلىسىمشارت جاسالدى. قولدانىستاعى شارتتار بويىنشا 10 مىڭ توننا كوكونىس قورى بار. بۇل كولەم قالانى قامتاماسىز ەتۋ ءۇشىن جەتكىلىكسىز ەكەنىن ەسكەرىپ، مامىر-ماۋسىم ايلارىنا 1 800 توننا (كارتوپ – 812 توننا، پياز – 410، ءسابىز – 340 جانە قىرىققابات – 265) كولەمىندە يمپورتتىق كوكونىستەردى جەتكىزۋگە كەلىسىمشارتقا قول قويۋ جوسپارلانىپ وتىر، – دەدى ول.
ەلوردانى قانتپەن قامتاماسىز ەتۋ ماقساتىندا مەركە زاۋىتىمەن كولەمى 3،5 مىڭ توننا بولاتىن 1،6 ملرد تەڭگە سوماسىنا قانتتى جەتكىزۋ شارتىنا قول قويىلعانىن باسقارما باسشىسى جەتكىزدى.
سونداي-اق، ازىق تۇلىك كورپوراسياسى ارقىلى 1 سورتتى ارزانداتىلعان ۇندى ساتۋ بويىنشا كولەمى 5 338 توننا استىقتى جەتكىزۋگە مەموراندۋم جاسالعانىن دا ايتا كەتۋىمىز كەرەك.
ساۋران 7، قوسشىعۇل ۇلى، 14 مەكەنجايلارى بويىنشا ەلوردالىق جانە وڭىرلىك تاۋار وندىرۋشىلەردىڭ قاتىسۋىمەن قالا اۋماعىندا قالالىق اۋىل شارۋاشىلىعى جارمەڭكەلەرىن وتكىزۋ جۇمىسى جالعاسۋدا. بارلىق ونىمدەر نارىقتاعى باعادان 10-15% تومەن ارزان ساتىلىپ جاتىر.
– تۇراقتى نەگىزدە باعا بەلگىلەۋدىڭ بۇكىل تىزبەگى بويىنشا دەلدالدىق سحەمالاردىڭ وڭىرلىك كوميسسياسى وتىرىسى كەزىندە پىسىقتالۋدا. جىل باسىنان بەرى 21 وتىرىس وتسە، ونىڭ 9-ى – كوشپەلى وتىرىس بولدى. كوشپەلى كەڭەس بارىسىندا قالانىڭ ساۋدا وبەكتىلەرىندە ساۋدا ۇستەمەسىنىڭ 15%-ىن ساقتاۋ بويىنشا ءتۇسىندىرۋ جۇمىستارىن جۇرگىزدىك، – دەدى ماقسات جاڭابايەۆ.
