Qazirgi ýaqytta agroónerkásiptik keshen salasynda investitsiialardyń jalpy somasy 88,3 mlrd teńgeni quraityn 22 investitsiialyq joba júzege asyrylýda.
– Jalpy investitsiiasy 18,35 mlrd teńgeni quraityn 72,3 myń tonna daiyn ónimdi (et kombinaty, nan zaýyty, jartylai fabrikattar, un jáne konditerlik ónimder) shyǵarý jáne qaita óńdeý boiynsha óndiristik keshenderdiń qurylysy jóninde 8 investitsiialyq joba júzege asyrylyp jatyr.
Sondai-aq KazakhInvest-pen birlesip konditerlik ónimder shyǵaratyn zaýyt salý úshin sheteldik investordy tartý boiynsha jumys júrgizildi. Bul – polshalyq Stokson kompaniiasy, jobanyń jalpy quny shamamen 5 mlrd teńgeni quraidy, – dedi Maqsat Jańabaev.
Sol siiaqty jalpy somasy shamamen 30 mlrd teńgeni quraityn 2 KTO (45 myń sh.m.), 2 mlrd teńgeni quraityn 1 qoima keshenin (9,5 myń sh. m.), sondai-aq 2,85 mlrd teńge somasyna 3 kókónis qoimasyn (14 myń tonna saqtaý) salý boiynsha investitsiialyq jobalar júzege asyrylýda.
Sonymen qatar Aqmola oblysyndaǵy jetekshi aýyl sharýashylyǵy ónim óndirýshilerdiń biri «AQMOL FOOD» JShS-men elordada jalpy quny 2,6 mlrd teńge quraityn 4 jyl boiy jármeńkeni ashý boiynsha investitsiialyq jobalar júzege aspaqshy.
– Búginde qalada quny 9,8 mlrd teńgeni quraityn 2 bazardyń qurylysy da qarqynda júrip jatyr. Jedel sharalardyń biri – «Ainalym mehanizmi» bolyp sanalady. «Ainalym tetigi» aiasynda biýdjetten 14 mlrd teńge bólingen. Barlyq ÁMAT 19 túri boiynsha 35 myń tonna jetkizýge kelisimshart jasaldy. Qoldanystaǵy sharttar boiynsha 10 myń tonna kókónis qory bar. Bul kólem qalany qamtamasyz etý úshin jetkiliksiz ekenin eskerip, mamyr-maýsym ailaryna 1 800 tonna (kartop – 812 tonna, piiaz – 410, sábiz – 340 jáne qyryqqabat – 265) kóleminde importtyq kókónisterdi jetkizýge kelisimshartqa qol qoiý josparlanyp otyr, – dedi ol.
Elordany qantpen qamtamasyz etý maqsatynda Merke zaýytymen kólemi 3,5 myń tonna bolatyn 1,6 mlrd teńge somasyna qantty jetkizý shartyna qol qoiylǵanyn basqarma basshysy jetkizdi.
Sondai-aq, azyq túlik korporatsiiasy arqyly 1 sortty arzandatylǵan undy satý boiynsha kólemi 5 338 tonna astyqty jetkizýge memorandým jasalǵanyn da aita ketýimiz kerek.
Saýran 7, Qosshyǵululy, 14 mekenjailary boiynsha elordalyq jáne óńirlik taýar óndirýshilerdiń qatysýymen qala aýmaǵynda qalalyq aýyl sharýashylyǵy jármeńkelerin ótkizý jumysy jalǵasýda. Barlyq ónimder naryqtaǵy baǵadan 10-15% tómen arzan satylyp jatyr.
– Turaqty negizde baǵa belgileýdiń búkil tizbegi boiynsha deldaldyq shemalardyń Óńirlik komissiiasy otyrysy kezinde pysyqtalýda. Jyl basynan beri 21 otyrys ótse, onyń 9-y – kóshpeli otyrys boldy. Kóshpeli keńes barysynda qalanyń saýda obektilerinde saýda ústemesiniń 15%-yn saqtaý boiynsha túsindirý jumystaryn júrgizdik, – dedi Maqsat Jańabaev.
