استانا تۇرعىندارى NAK Investments جٷرگٸزٸپ جاتقان تۇرعىن ٷي قۇرىلىسىنا نارازىلىق بٸلدٸرۋدە. داۋلى جوبا ەلورداداعى رىسقۇلوۆ كٶشەسٸندە, №2 قالالىق اۋرۋحانا ماڭىندا ورنالاسقان, دەپ حابارلايدى Dalanews.kz "NewTimes.kz"-كە سٸلتەمە جاساپ.
بۇل BAYAAN اتتى بيزنەس-كلاسس ساناتىنداعى تۇرعىن ٷي كەشەنٸ تۋرالى. جوباعا سەيكەس, مۇندا بەس بلوكتان تۇراتىن توعىز قاباتتى ٷي مەن جەكە اۆتوتۇراق سالۋ جوسپارلانعان. قۇرىلىس جۇمىستارى 2026 جىلدىڭ باسىندا باستالىپ, 2027 جىلدىڭ ورتاسىندا اياقتالۋى تيٸس.
الايدا قالا تۇرعىندارى جاڭا نىسان اۋرۋحانا جۇمىسىنا كەدەرگٸ كەلتٸرۋٸ مٷمكٸن دەپ الاڭداۋلى. ولاردىڭ ايتۋىنشا, قۇرىلىس سالدارىنان جولدار تارىلىپ, جەدەل جەردەم كٶلٸكتەرٸنٸڭ قاتىناۋى قيىنداۋى ىقتيمال.
ەلەۋمەتتٸك جەلٸلەردە تۇرعىندار قۇرىلىسقا قارسى پٸكٸر بٸلدٸرٸپ جاتىر. كەيبٸرٸ قالادا بوس جەر جەتكٸلٸكتٸ ەكەنٸن ايتىپ, مۇنداي نىسانداردى مەديتسينالىق مەكەمەلەردٸڭ جانىنا سالماۋ كەرەكتٸگٸن العا تارتۋدا.
ال قۇرىلىس كومپانيياسى بارلىق جۇمىستار زاڭ اياسىندا جٷرگٸزٸلٸپ جاتقانىن مەلٸمدەدٸ. NAK Investments ٶكٸلدەرٸنٸڭ سٶزٸنشە, جوبا جەرگٸلٸكتٸ اتقارۋشى ورگاندارمەن كەلٸسٸلگەن جەنە قاجەتتٸ رۇقسات قۇجاتتارى بار.
قازٸرگٸ ۋاقىتتا قۇرىلىس الاڭىندا قازانشۇڭقىر قازىلىپ, قۇرىلىس جۇمىستارى قارقىندى جٷرٸپ جاتىر. جٷك كٶلٸكتەرٸ بٸر عانا كٸرەبەرٸس جولدى پايدالانىپ, اۋرۋحانا ماڭىندا كٶلٸك كەپتەلٸسٸن تۋدىرۋدا.
استانا قالاسىنىڭ ەكٸمدٸگٸ بۇل مەسەلەگە قاتىستى تٷسٸنٸكتەمە بەردٸ.
«جوبا جاڭا ەمەس, ول 2024 جىلى باس جوسپارعا ەنگٸزٸلگەن. جوبا مەملەكەتتٸك ساراپتامادان ٶتكەن, ال جەر تەلٸمٸ «بايقادام 2022» جشس-نە تيەسٸلٸ. قۇجاتتارعا سەيكەس, بۇل جەردە باستاپقىدا-اق اۆتوتۇراعى مەن كٸرٸكتٸرٸلگەن نىساندارى بار تۇرعىن ٷي كەشەنٸن سالۋ جوسپارلانعان», – دەپ حابارلادى قالالىق سەۋلەت, قالا قۇرىلىسى جەنە جەر قاتىناستارى باسقارماسى.
ايتا كەتەيٸك, №2 قالالىق اۋرۋحانا – كٷن سايىن اۋىر ناۋقاستار جەتكٸزٸلەتٸن ٸرٸ مەديتسينالىق مەكەمە. سوندىقتان تۇرعىندار قۇرىلىسقا بايلانىستى ينفراقۇرىلىمدىق قيىندىقتار دەنساۋلىق ساقتاۋ قىزمەتٸنە كەرٸ ەسەر ەتۋٸ مٷمكٸن دەپ قاۋٸپتەنەدٸ.
