ءىس-شارا اياسىندا بالالار جۇمىسىنىڭ كورمەسى مەن كىتاپ جارمەڭكەسى ۇيىمداستىرىلدى.
بايقوڭىر اۋدانى اكىمىنىڭ ورىنباسارى ەرلان جاۋلىبايەۆ مۇنداي كورمەلەر جاز بويى ۇيىمداستىرىلاتىنىن اتاپ ءوتتى.
– بالالارىمىزدى بۇگىنگى مەرەكەمەن قۇتتىقتايمىن! سىزدەرگە مىقتى دەنساۋلىق، وقۋدا وزاتتىق تىلەيمىن جانە اتا-انالارىڭىزدى كۇندەلىكتى قۋانتىپ جۇرىڭىزدەر. ال اكىمدىك اتىنان «فوليانت» باسپاسىنا، قالانىڭ ورتالىقتاندىرىلعان كىتاپحانالارىنا كورسەتكەن قولداۋى ءۇشىن العىس بىلدىرگىمىز كەلەدى. كىتاپ كورمەلەرى جازدىڭ سوڭىنا دەيىن وتەدى. سونىمەن قاتار، دەمالىس كۇندەرى جازۋشىلارمەن كەزدەسۋلەر وتكىزىلەدى، – دەدى ەرلان جاۋلىبايەۆ.
№8 مەكتەپ-ليسەيىنىڭ باستاۋىش سىنىپ ءمۇعالىمى جانسايا مۇحامەدراحىم وزىمەن بىرگە ەكىنشى سىنىپ وقۋشىلارىن كورمەگە ەرتىپ كەلدى. ونىڭ ايتۋىنشا، مۇنداي ءىس-شارالاردىڭ ماڭىزى زور.
– بۇگىنگى ءىس-شاراعا جازعى مەكتەپتە وقيتىن وقۋشىلارىمىزبەن كەلدىك. مەرەكە كۇنى بالالارىمىز سەرگىپ، ءوي-ورىسىن كەڭەيتتى. مۇنداي كورمەلەر بالالار ءۇشىن وتە پايدالى دەپ ويلايمىن. بۇل ولاردىڭ كىتاپ وقۋعا دەگەن قىزىعۋشىلىعىن ارتتىرادى. وسى مۇمكىندىكتى پايدالانا وتىرىپ، بالالاردى مەرەكەمەن قۇتتىقتاپ، مىقتى دەنساۋلىق جانە ۇلكەن جەتىستىك تىلەيمىن، – دەدى ول.
