بۇل باعدارلامادا «الەۋمەتتىك جاعىنان وسال»، «جەتىم بالالار»، «كوپبالالى وتباسىلار» ساناتى بويىنشا كەزەكتە تۇرعان ازاماتتارعا ارنالعان. الەۋمەتتىك جاعىنان وسال توپقا ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن ادامدار؛ مۇگەدەك بالالارى بار نەمەسە ولاردى تاربيەلەۋشi وتباسىلارى؛ كەيبiر سوزىلمالى اۋرۋلاردىڭ اۋىر تۇرلەرiمەن اۋىراتىن ادامدار؛ جاسىنا قاراي زەينەت دەمالىسىنا شىققان زەينەتكەرلەر؛ جەتىم بالالار نەمەسە اتا-اناسىنىڭ قاراۋىنسىز قالعان ازاماتتار؛ تولىق ەمەس وتباسىلار؛ 1 جانە 2 توپتاعى مۇگەدەكتەر؛ ورالماندار؛ ەكولوگيالىق زiلزالالار، تابيعي جانە تەحنوگەندi سيپاتتاعى توتەنشە جاعدايلار سالدارىنان تۇرعىن ءۇيiنەن ايىرىلعان ادامدار؛ مەملەكەتتiك نەمەسە قوعامدىق مiندەتتەرiن، اسكەري قىزمەتiن ورىنداۋ كەزiندە، عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ كەزىندە، ادام ءومiرiن قۇتقارۋ كەزiندە، قۇقىق ءتارتiبiن قورعاۋ كەزiندە قازا تاپقان (قايتىس بولعان) ادامداردىڭ وتباسىلارى كىرەدى.
اتالعان باعدارلاما بويىنشا ۇلەستىرىلەتىن پاتەر سانى – 419. ونىڭ 84 پاتەرى «جەتىم بالالار» (10 ءۇش بولمەلى، 61 ەكى بولمەلى، 13 ءبىر بولمەلى)، 84 پاتەرى «كوپبالالى وتباسىلار» (10 ءۇش بولمەلى، 61 ەكى بولمەلى، 13 ءبىر بولمەلى) جانە 251 پاتەرى «الەۋمەتتىك جاعىنان وسال توپتار» (32 ءۇش بولمەلى، 182 ەكى بولمەلى، 37 ءبىر بولمەلى) ساناتتارى بويىنشا ۇلەستىرىلەدى. تۇرعىن ءۇيدىڭ جالپى اۋدانى كەلەسىدەي: 1 بولمەلى (33،49 كۆ.م.)، 2 بولمەلى (48،3-50،5 كۆ.م.) جانە 3 بولمەلى (66،2-68 كۆ.م.).
ايتا كەتەيىك، اتالعان پاتەرلەر مەنشىككە جەكەشەلەندىرۋگە بولمايدى. قۇجاتتار 28 قازان مەن 8 قاراشا ارالىعىندا قابىلدانادى. جەكەشەلەندىرۋگە جاتپايتىن، ارەندالىق تۇرعىن ءۇيدى العىسى كەلەتىن ازاماتتار كوممۋنالدىق تۇرعىن ءۇي قورىنان تۇرعىن ۇيگە مۇقتاجدار ەسەبىندەگى كەزەكتە «الەۋمەتتىك جاعىنان وسال توپتار»، «جەتىم بالالار»، «كوپبالالى وتباسىلار» ساناتى بويىنشا تۇرۋى كەرەك. بۇعان قوسا، اعىمداعى جىلدىڭ 21-25 قازان ارالىعىندا «بەرەكەلى باسپانا» باعدارلاماسى بويىنشا ساتىپ الۋ قۇقىعىنسىز جالدامالى تۇرعىن ۇيگە قابىلدانعان بارلىق وتىنىمدەر وسى كونكۋرس ءۇشىن قايتا قارالاتىن بولادى.
ياعني 14 پاتەرگە قۇجاتتار تاپسىرعان ادامدار وسى باعدارلاماعا قۇجاتتاردى قايتا تاپسىرۋدىڭ قاجەتى جوق، ولاردىڭ ەكى باعدارلاماعا وتىنىشتەرى بىردەن قاراستىرىلادى. قۇجاتتار نۇر-سۇلتان قالاسى، ر. قوشقاربايەۆ داڭعىلى 39 (قوشقاربايەۆ-جۇمابايەۆ اۋدانى، «بارىس» تك ايالداماسى) مەكەن-جايى بويىنشا نۇر-سۇلتان قالاسىنىڭ اكىمدىگىنىڭ «تۇرعىن ءۇي قورى» كمم-دە قابىلدانادى. جۇمىس ۋاقىتى ساعات 8.30-دان 17.00-گە دەيىن، ءۇزىلىس ساعات 13.00-دەن 14.30-عا دەيىن. ەسكە سالا كەتەيىك، تۇرعىن ۇيگە ۇمىتكەرلەر كەلەسى قۇجاتتاردى تاپسىرۋى كەرەك: 1) ءوتىنىش؛ 2) ءوتىنىش بەرۋشى مەن ونىڭ وتباسى مۇشەلەرىنىڭ جەكە باسىن كۋالاندىراتىن قۇجات؛ 3) ءوتىنىش بەرۋشىنى جانە ونىمەن تۇراقتى بىرگە تۇراتىن وتباسى مۇشەلەرىن تۇرعىلىقتى جەرى بويىنشا تىركەۋ تۋرالى مەكەنجاي انىقتاماسى؛ 4) نەكە قيۋ/نەكەنى بۇزۋ، جۇبايىنىڭ/زايىبىنىڭ قايتىس بولۋى، بالالاردىڭ تۋۋ تۋرالى كۋالىكتەرى، ءوتىنىش بەرۋشىنىڭ نەكەدە تۇرمايتىندىعى تۋرالى نوتاريات كۋالاندىرعان ءوتىنىش؛ 5) ءوتىنىش بەرۋشىنىڭ جانە ونىمەن تۇراقتى بىرگە تۇراتىن وتباسى مۇشەلەرىنىڭ قازاقستان رەسپۋبليكاسىنىڭ اۋماعى بويىنشا مەنشىك قۇقىعىنداعى ءۇيىنىڭ نەمەسە ساتىپ الۋمەن جالدامالى تۇرعىن ءۇيىنىڭ بار نەمەسە جوق ەكەندىگى تۋرالى انىقتاما؛ (01.11.2019 دەيىن) 6) جىلجىمايتىن مۇلىككە تىركەلگەن قۇقىقتار جانە ونىڭ تەحنيكالىق سيپاتتامالارى (بالشىقتان قۇيىلعان جانە قاڭقالى-قامىستى تۇرعىن ۇيدەگى، جاتاقحاناداعى بولمەدە ۇلەسى بولعان كەزدە) تۋرالى انىقتاما، سونداي-اق اتالعان جاعدايلاردا مەنشىك قۇقىعىنىڭ تۋىنداۋىن راستايتىن قۇجاتتار.
