– الماتى مەن سارىارقا اۋداندارى تولىقتاي گازبەن قامتىلدى. «قازترانسگاز ايماق» اق-مەن بىرلەسە گاز تاراتۋ جەلىلەرى ينتەرناسيونالنىي، ميچۋرينو جانە كۇيگەنجار ەلدى مەكەندەرىنە جۇرگىزىلدى. گازعا كوشۋدىڭ ارتىقشىلىقتارى كوپ. گاز قولدانىستا ىڭعايلى، ەكولوگيالىق تۇرعىدا تازا ءارى ءقاۋىپسىز. بۇگىن گازعا كوشكەن ءبىرقاتار ەلدى مەكەننىڭ تۇرعىندارىمەن كەزدەستىك. ورتاشا ەسەپپەن العاندا ولار 20-60 توننا كومىر جاعىلىپ كەلگەن. ۇيلەر گازعا قانشالىقتى كوپ قوسىلسا، قالا اتموسفەراسىنا زياندى زاتتاردىڭ شىعىندىسى سوعۇرلىم ازايادى، – دەيدى قالا باسشىسى.
قازىرگى تاڭدا قالا 1،5 مىڭنان استام وتباسى گازعا كوشكەن. وسىنىڭ ەسەبىنەن كەمىندە 20 مىڭ توننا كومىر جاعىلماۋدا. سونداي-اق، بارلىق سۋ جىلىتۋ قازاندىقتارى جەو-1 جانە جەو-2-گە گازعا اۋىستىرىلدى. بۇل شارالار قالا ەكولوگياسىنا جاعىمدى اسەر ەتكەنى انىق. سونىمەن قاتار، تاعى 4 مىڭ 600 وتباسى تەحنيكالىق مۇمكىندىككە يە بولدى.
بۇعان دەيىن كوكتال-1، كوكتال-2، تەمىرجولشىلار، پرومىشلەننىي، اگروقالاشىق، وڭتۇستىك-شىعىس ەلدى مەكەندەرىنىڭ تۇرعىندارى گازعا كوشۋ مۇمكىندىگىننە يە بولعان بولاتىن. وسىلايشا 650 شاقىرىمنان استام گاز تاراتۋ جەلىسى سالىندى.
– گازداندىرۋ – ەلباسىنىڭ تاريحي جوباسى، ءۇش كەزەڭنەن تۇرادى. جوبانى جۇزەگە اسىرا باستاعان ساتتەن باستاپ الەۋمەتتىك از قامتىلعان وتباسىلارعا گازعا كوشۋگە كومەكتەسۋ ءۇشىن كومەك كورسەتىلىپ كەلەدى. باستى كريتەريي – باسقا تۇرعىن ءۇيدىڭ بولماۋى جانە ءتورت ەڭ تومەنگى كۇنكورىس دەڭگەيىنەن اسپايتىن جان باسىنا شاققانداعى ورتاشا تابىستىڭ بولۋى (153 872 تەڭگە). بۇل ساناتتارعا 90 اەك مولشەرىندە اقشالاي كومەك بولەمىز – بۇل 260 مىڭ تەڭگەدەن استام قاراجاتتى قۇرايدى. الەۋمەتتىك كومەكتىڭ وسى ءتۇرىن الۋعا ءوتىنىمدى egov.kz ەلەكتروندىق ۇكىمەت پورتالى ارقىلى قالدىرۋعا بولادى. گازداندىرۋ پروسەسى مەملەكەت باسشىسىنىڭ تىكەلەي باقىلاۋىندا، – دەيدى ەلوردا اكىمى.
