– Almaty men Saryarqa aýdandary tolyqtaı gazben qamtyldy. «QazTransGaz Aımaq» AQ-men birlese gaz taratý jelileri Internasıonalnyı, Mıchýrıno jáne Kúıgenjar eldi mekenderine júrgizildi. Gazǵa kóshýdiń artyqshylyqtary kóp. Gaz qoldanysta yńǵaıly, ekologıalyq turǵyda taza ári qaýipsiz. Búgin gazǵa kóshken birqatar eldi mekenniń turǵyndarymen kezdestik. Ortasha eseppen alǵanda olar 20-60 tonna kómir jaǵylyp kelgen. Úıler gazǵa qanshalyqty kóp qosylsa, qala atmosferasyna zıandy zattardyń shyǵyndysy soǵurlym azaıady, – deıdi qala basshysy.
Qazirgi tańda qala 1,5 myńnan astam otbasy gazǵa kóshken. Osynyń esebinen keminde 20 myń tonna kómir jaǵylmaýda. Sondaı-aq, barlyq sý jylytý qazandyqtary JEO-1 jáne JEO-2-ge gazǵa aýystyryldy. Bul sharalar qala ekologıasyna jaǵymdy áser etkeni anyq. Sonymen qatar, taǵy 4 myń 600 otbasy tehnıkalyq múmkindikke ıe boldy.
Buǵan deıin Kóktal-1, Kóktal-2, Temirjolshylar, Promyshlennyı, Agroqalashyq, Ońtústik-SHyǵys eldi mekenderiniń turǵyndary gazǵa kóshý múmkindiginne ıe bolǵan bolatyn. Osylaısha 650 shaqyrymnan astam gaz taratý jelisi salyndy.
– Gazdandyrý – Elbasynyń tarıhı jobasy, úsh kezeńnen turady. Jobany júzege asyra bastaǵan sátten bastap áleýmettik az qamtylǵan otbasylarǵa gazǵa kóshýge kómektesý úshin kómek kórsetilip keledi. Basty krıterıı – basqa turǵyn úıdiń bolmaýy jáne tórt eń tómengi kúnkóris deńgeıinen aspaıtyn jan basyna shaqqandaǵy ortasha tabystyń bolýy (153 872 teńge). Bul sanattarǵa 90 AEK mólsherinde aqshalaı kómek bólemiz – bul 260 myń teńgeden astam qarajatty quraıdy. Áleýmettik kómektiń osy túrin alýǵa ótinimdi egov.kz elektrondyq úkimet portaly arqyly qaldyrýǵa bolady. Gazdandyrý prosesi Memleket basshysynyń tikeleı baqylaýynda, – deıdi elorda ákimi.
